Koronavırýs: Álemdik qor naryǵy quldyrady
London qor bırdasynyń FTSE 100 ındeksi saýdanyń bastapqy kezine qaraǵanda 7% túsip ketti. Onyń aldynda Azııada kúrt tómendep jabylǵan.
Jeksenbide AQSh-tyń Federaldy rezervtik júıesi paıyzdyq mólsherlemeni nólge deıin tómendetip, eýroaımaq, Ulybrıtanııa, Japonııa, Kanada jáne Shveıtsarııamen kelisilgen is-sharalar aıasynda 700 mlrd. dollar kóleminde yntalandyrý baǵdarlamasyn iske qosty. Alaıda, ınvestorlar ortalyq bankterde koronavırýstyń áserin sheshýdiń múmkindigi az dep alańdaıdy. Londonda avıakompanııalardyń aktsııalary eń úlken quldyraýdy bastan keshýde.
British Airways áýekompanııasyna ıelik etetin IAG (International Airlines Group) aktsııalary kompanııa aǵymdaǵy jyldyń sáýir-mamyr aılarynda ótkizý qabilettiligin kem degende 75% -ǵa tómendetkenin jarııalaǵannan keıin 20% -dan astamǵa tómendedi. EasyJet aktsııalary áýe kompanııasy kóptegen reısterdiń yqtımal tómendeýi týraly jarııalaǵannan keıin shamamen 30% -ǵa tómendedi. Frantsııalyq
SAS 40 9%-dan astam quldyrasa, nemisterdiń DAH ındeksi 8%-dan astam quldyrady.
Jeksenbide AQSh-tyń ortalyq banki Federaldy rezervtik bank paıyzdyq stavkalardy 100 bazıstik pýnktke 0% -dan 0,25% deńgeıine deıin túsirip, aldaǵy aptalarda naryqty qoldaý úshin kem degende 700 mlrd. dollar usynatynyn málimdedi.
Baspasóz-konferentsııada sóz alǵan Federaldy rezervtik júıeniń basshysy Djerom Paýell «Vırýs ekonomıkaǵa óte qatty áser etýde» dedi.
Investorlar dúnıejúzilik ekonomıkalyq klımat nasharlaı berse, álemdegi eń iri ortalyq bankterde koronavırýstyń áserin jeńýge qarajat jetispeýi múmkin dep qorqady.
FRJ-men qatar taǵy bes ortalyq bank - Anglııa banki, Eýropalyq ortalyq bank, Japonııa banki, Kanada banki jáne Shveıtsarııa Ulttyq banki ózderiniń qarjy ınstıtýttaryna dollarmen qamtamasyz etýdi jeńildetý sharalaryn jarııalady. Bul shara bankter men kompanııalar sońǵy birneshe aptada quny ósken AQSh dollary úshin tóleıtin baǵany tómendetýge arnalǵan.