Koronavırýs: Álemdegi epıdemıologııalyq jaǵdaı qandaı
Robert Koh ınstıtýtynyń málimetinshe, Germanııada sońǵy táýlikte koronavırýs ınfektsııasynyń 9 164 jańa jaǵdaıy tirkelgen, 490 adam qaıtys bolǵan.
Sońǵy 7 kúnde 100 myń adamǵa shaqqanda 57,8 juqtyrý jaǵdaıy tirkelgen.
El bıligi epıdemııaǵa qarsy qatań sharalardyń álsireýi bul kórsetkishtiń 35 jaǵdaıǵa deıin tómendeýi múmkin ekendigin habarlady.
2020 jyldyń 2 jeltoqsanynda atalǵan kórsetkish eń joǵary mánge -197,6 jetken bolatyn.
Irlandııada koronavırýstyń brazılııalyq nusqasyn úsh adamda tirkeldi.
Eldiń densaýlyq saqtaý mınıstrligi juqtyrǵandardyń úsheýi de jaqyn arada Brazılııadan oralǵandyqtaryn habarlady.
Epıdemııa bastalǵannan beri 5 mıllıonǵa jýyq turǵyny bar memlekette 213,4 myń indetti juqtyrsa, 4 109 adam qaıtys bolǵan.
Dúnıejúzilik bank naýryz aıynyń sońyna deıin eń kedeı 12 elge, atap aıtqanda Bangladesh, Týnıs jáne Efıopııaǵa vaktsına satyp alýǵa 1,6 mıllıard dollar bólýdi josparlap otyrǵanyn jetkizdi.
Bank prezıdenti Devıd Malpass kelesi qadamda taǵy 30 kedeı elge qoldaý kórsetetindikterin málimdedi.
Koronavırýs juqtyrýdyń bir de bir jaǵdaıyn rastamaǵan Túrikmenstanda «Spýtnık V» preparatymen halyqty vaktsınatsııalaý naýqany bastaldy.
18 jasqa tolǵan azamattar aýdandyq emhanalarǵa egilýge jazyla alady.
Ashhabad turǵyndarynyń úıiniń kireberisinde COVID-19 qarsy vaktsınatsııa bastalǵany týraly habarlandyrýlar iline bastalǵan.
Elde «juqtyrý jaǵdaılarynyń bolmaýyna» qaramastan, betperde rejımi engizilgen, sheteldik áýe qatynasy, jolaýshylar poıyzdary men qalaaralyq avtobýs qozǵalysy toqtatylǵan, meshitter, saýda ortalyqtary, qoǵamdyq tamaqtaný oryndary, mádenıet jáne turmystyq qyzmet kórsetý salalary jabylǵan.
AQSh prezıdenti Djo Baıden amerıkandyqtardy koronavırýsqa qarsy ekpe alýǵa shaqyrdy.
«Vaktsına qaýipsiz, - dedi ol. – Múmkindik týa salysymen ekpe jasatyńyz. Bul pandemııany tek osylaı ǵana jeńemiz».
Prezıdent bul daǵdarystyń aıaqtalatyn kúnin aıta almaıtynyn jetkizdi.
«Biraq bul kúndi jaqyndatý úshin qoldan kelgenniń bárin jasaımyz»- dedi Baıden.