Koronavırýs: Álemde vaktsınatsııa protsesi qalaı júrip jatyr
Serbııaǵa reseılik «Spýtnık V» vaktsınanyń 100 myń dozasy jetkizildi. Serbııa bıligi jyl sońyna deıin elde «Spýtnık V» vaktsınasynyń óndirisin jolǵa qoıýdy josparlap otyr.
1 naýryzdan bastap Germanııada eki aıdan astam úzilisten keıin shashtarazdar men pedıkıýr salondary jumysyn qaıta bastady.
Olardyń ashylýy gıgıenalyq turǵydan da negizdelgen. Keıbir shashtarazdar kelýshilerdiń úlken aǵymynyń bolýyn jormaldap, túnde ashyldy.
Johnson & Johnson vaktsınasynyń 4 mıllıon dozasy 2 naýryz kúni tańerteń AQSh-tyń belgilengen núktelerine jetkiziledi.
«Búgingi keshten bastap barlyq shtattarǵa 3,9 mıllıon doza bólinedi» dedi AQSh prezıdenti ákimshiliginiń ókili.
Onyń aıtýynsha, bul Johnson & Johnson kompanııasynyń qorynda bar barlyq vaktsına.
Kompanııa naýryz aıynyń sońyna deıin taǵy 16 mıllıon doza jetkizýdi josparlap otyr.
Ulybrıtanııa osy aıda 40 jastan asqan turǵyndaryn vaktsınalaýdy bastamaq.
Qazirgi ýaqytta eldiń densaýlyq saqtaý mınıstrligi 60 jastan asqan turǵyndaryna qalǵan shaqyrý qaǵazdaryn jiberýde.
Jalpy, memlekette 20 mıllıonnan astam adam vaktsına qabyldaǵan.
Germanııa Chehııaǵa pandemııamen kúres úshin elge 15 myń doza koronavırýs vaktsınasyn jetkizýdi uıymdastyrýǵa nıet bildirdi.
Buǵan deıin el basshylyǵy Reseı prezıdentine Chehııany «Spýtnık V» vaktsınasymen qamtamasyz etýdi suraǵan bolatyn.
Chehııa EO-nyń basqa memleketterine qaraǵanda kóbirek zardap shekti.
Pandemııa bastalǵannan beri 10,7 mıllıon halqy bar elde 1,2 mıllıon adam koronavırýs juqtyrdy, 20 myń naýqas qaıtys bolǵan.
Ekonomıkalyq sebepterge baılanysty Ońtústik Afrıka karantındik sharalaryn jeńildetpek.
El prezıdenti Sırıl Ramaposa málimdegendeı, budan basqa, komendanttyq saǵattyń qoldanylý merzimi jaqyn arada qysqartylmaq, sondaı-aq toptyq kezdesýgede shekteýler jeńildetilmek.
Ramaposa eldegi shekteý sharalaryn jeńildetý tutynýdyń joǵarylaýyna jáne eńbek naryǵynyń jaqsarýyna ákeledi dep úmittenetinin aıtty.