Koronavırýs: AQSh Afrıkaǵa 25 mln-nan astam vaktsına jibergen

NUR-SULTAN. QazAqparat - Amerıka Qurama Shtattary Aljır, Gana jáne Iemenge COVID-19 vaktsınalarynyń eki mıllıonnan astam dozasyn jetkizip, búkil Afrıkadaǵy pandemııanyń úshinshi tolqynyna qarsy kúresti kúsheıtýde.

Bul týraly QazAqparat COVID-19 taralýyna jol bermeý jónindegi vedomstvoaralyq komıssııasynyń Telegram kanalyna silteme jasap habarlaıdy.

«AQSh ákimshiligi bul pandemııany toqtatý úshin ony búkil álemde joıý kerek ekenin túsinedi», - dedi Aq úıdiń ókili.

Sheneýniktiń aıtýynsha, sońǵy jetkizilimderdiń nátıjesinde AQSh-tan Afrıkaǵa jóneltilgen vaktsınalardyń jalpy sany 25 mıllıonnan asady.

Pfizer jáne Biontech farmatsevtıkalyq kompanııalary Brazılııada COVID-19-ǵa qarsy vaktsına shyǵarý jáne ony Latyn Amerıkasynda taratý týraly Eurofarma Brazılııalyq farmatsevtıkalyq kompanııasymen kelisimge qol qoıdy.

Pfizer málimdemesinde Eurofarma kompanııasy Pfizer jáne BioNTech vaktsınasynyń jahandyq jetkizilim tizbegi men óndiristik jelisi aıasynda qyzmet atqaratyn 20-dan astam óndiristik kásiporynnyń biri retinde COVID-19-ǵa qarsy vaktsına shyǵaratyny aıtylǵan.

Vaktsına óndirisi 2022 jyly bastalady. Nysan tolyq óndiristik qýatpen jumys istese jylyna 100 mıllıon dozadan astam vaktsına jasaýǵa qaýqarly. Barlyq dozalar tek Latyn Amerıkasynda taralady.