Kórnekti jazýshy, jýrnalıst Medeý Sárseke ómirden ótti

<p>ASTANA. KAZINFORM - Kórnekti jazýshy, jýrnalıst, dramatýrg, &laquo;Qurmet&raquo; ordeniniń ıegeri, qazaq ádebıetinde ǵylymı-qııal janrynyń óristeýine aıryqsha úles qosqan qalamger Medeý Sárseke ómirden ótti. Bul týraly Mádenıet jáne aqparat mınıstrliginiń baspasóz qyzmeti málim etti.</p>

Medeý Sapauly qazaq ken-metallýrgııa ınstıtýtyn bitirgen soń «Jas Alash» gazetinde ádebı qyzmetker, bólim meńgerýshisi, Semeı tsement zaýytynda master, aǵa dıspetcher, ónertapqyshtar bıýrosynyń bastyǵy, «Egemendi Qazaqstan» gazetiniń Shyǵys Qazaqstan oblysyndaǵy menshikti tilshisi, Qazaqstan jazýshylar odaǵynyń Semeı oblysaralyq bólimshesinde jaýapty hatshy qyzmetin atqarǵan.

Medeý Sapauly óndiris pen jazýshylyqty qatar alyp júrip, «Ǵajaıyp sáýle», «Kórinbestiń kóleńkesi» men «Jetinshi tolqyn» ǵylymı fantastıkalyq týyndylaryn jaryqqa shyǵardy. Sondaı-aq ózi eńbek etetin kendi Altaıdyń tirshilik-tynysyn, ómir aǵysyn sýretteıtin «Jańǵyryq», «Kómbe» romandaryn jazdy. «Sátbaev», «Ebineı Bóketov» atty derekti ǵumyrnamalary men «Shyǵys hıkaıasy» pesasy oqyrmannyń júreginen oryn aldy.

A.Belıaevtiń «Qos mekendi adam» romanyn qazaq tiline aýdardy. Medeý Sapaulynyń akademık Q.Sátbaev jaıly «Planeta Satpaeva» jáne «Cherez ternıı» kitaptary álemniń 112 eline taraǵan.