Qorlar qarjynyń qaıda jumsalǵany týraly esep berýge mindetti

<p>ASTANA. KAZINFORM &ndash; Elimizde qorlardyń qyzmeti &laquo;Qaıyrymdylyq týraly&raquo; jáne &laquo;Kommertsııalyq emes uıymdar týraly&raquo; zańmen retteledi. Osy zańnamalyq negizge saı, qor retinde tirkelgen ár kommertsııalyq emes uıym óz qyzmeti týraly, onyń ishinde qarjynyń jumsalý baǵyttary týraly málimetterdi ýákiletti organǵa usynýy tıis.</p>

«Kommertsııalyq emes uıymdar týraly» zańnyń 13-babyna saı, qorlar quryltaıshylardyń quramyna, sondaı-aq qyzmet salasyna qaraı jeke, korporatıvtik, qoǵamdyq, memlekettik bolyp qurylýy múmkin.
Al qyzmet maqsattaryna qaraı áleýmettik, qaıyrymdylyq, mádenı, bilim qorlary jáne ózge de qorlar bolyp qurylady.
Qazaqstan Respýblıkasy normatıvtik quqyqtyq aktileriniń aqparattyq-quqyqtyq júıesinde kórsetilgendeı, kommertsııalyq emes uıymnyń jarǵysy mynalardy qamtýy kerek:
1) kommertsııalyq emes uıymnyń ataýyn, sonyń ishinde uıymdyq-quqyqtyq nysanyn, qyzmetiniń máni men maqsatyn;
2) kommertsııalyq emes uıymnyń ornalasqan jerin;
3) kommertsııalyq emes uıymnyń basqarý organdarynyń qurylymyn, qalyptastyrý tártibin jáne quzyretin;
4) kommertsııalyq emes uıym músheleriniń (qatysýshylarynyń) quqyqtary men mindetterin;
5) kommertsııalyq emes uıymnyń músheligine (eger kommertsııalyq emes uıymnyń músheligi bolǵan jaǵdaıda) qabyldaý jáne odan shyǵý sharty men tártibin;
6) kommertsııalyq emes uıymnyń múlkin quraý kózderin;
7) kommertsııalyq emes uıymnyń quryltaı qujattaryna ózgerister men tolyqtyrýlar engizý tártibin;
8) kommertsııalyq emes uıymdy qaıta uıymdastyrý jáne onyń qyzmetin toqtatý shartyn;
9) kommertsııalyq emes uıym taratylǵan jaǵdaıda onyń múlkin paıdalaný tártibin;
10) fılıaldar men ókildikter týraly málimetterdi.
«Kommertsııalyq emes uıymdar týraly» zańnyń 41-baby 5-tarmaǵyna sáıkes, qoǵamdyq, korporatıvtik jáne jekeshe qorlar óz qyzmeti týraly, onyń ishinde óziniń quryltaıshylary, múlkiniń quramy, aqshanyń qalyptasý kózderi jáne jumsalý baǵyttary týraly málimetterdi jyl saıyn 31 naýryzǵa deıin úkimettik emes uıymdarmen ózara is-qımyl salasyndaǵy ýákiletti organǵa usynady.
Ádilet mınıstrligi — qoǵamdyq birlestikterdi tirkeý qyzmetin atqaratyn organ.