Qorqyt Ata atyndaǵy Qyzylorda memlekettik ýnıversıtetinde parasat mektebi ashyldy
Bul týraly QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap habarlaıdy.
Ýnıversıtette qazirgi tańda jalpy 5300 stýdent bilim alyp jatyr. 2017 jyly «Bıznes-Start» ınnovatsııalyq jobalardy júzege asyrý ortalyǵy (bıznes-ınkýbator) ashyldy. Bıznes-ınkýbatorda búgingi kúnge deıin 85 bilim alýshy 25 bıznes-jobany júzege asyryp, 14 shaǵyn kásipkerlik sýbektisi ashyldy. Jas kásipkerlerdiń óz bıznesterin bastaýǵa múmkindikter jasalýda.
Sońǵy 2 jylda Qorqyt Ata atyndaǵy QMÝ ǵalymdary alǵan patent sany 50-di quraıdy. Ýnıversıtet ǵalymdarynyń «Innovatsııalyq jobalar katalogy» daıyndalyp 500 danasy shyǵarylyp, tehnologııalardy kommertsııalandyrý boıynsha qyzyǵýshy otandyq jáne sheteldik mekemeler men bıznes-qurylymdarǵa usynylǵan.
Alık Shpekbaev oqý ornynyń stýdentterine «Parasattylyq saǵatyn» ótkizdi.
Óz sózinde: «Biz Sizder sııaqty sanasy sergek, oıy oramdy, júregi jalyndy jastardyń qoldaýymen ǵana jemqorlyqtan aryla alamyz. Oqýda dana, eńbekte dara, elge pana bolyńyzdar», - degen tilegin jetkizdi.
Qyzylorda oblysynda óskeleń urpaqty rýhanı-adamgershilik jáne azamattyq-patrıottyqqa tárbıeleý maqsatynda óńirdegi 293 jalpy bilim berý uıymynda «Adal urpaq» erikti mektep klýbtary jumysyn júrgizse, 32 arnaýly orta jáne joǵarǵy oqý oryndarynda «Sanaly urpaq» klýbtary qurylǵan.
Osylaısha, jemqorlyqqa qarsy 30 myńnan astam jastyń basy biriktirgen joba júzege asýda.
Sonymen qatar, Alık Shpekbaev «Adal urpaq» eriktiler klýbynyń oblystyq shtabynyń belsendilerimen kezdesip, jastarǵa ómirde jetistikke jetý úshin adal eńbek etýdiń, jas kezden bastap ár jetkinshektiń boıyna ádilettilik, parasattylyq jáne adaldyq qundylyqtaryn sińirýdiń mańyzdylyǵyn aıtty.