Kórkem júzý: Qazaqstan quramasy álem kýbogynda chempıon atandy

<p>ASTANA. KAZINFORM &ndash; Kórkem júzýden Qazaqstan quramasy Beıjińde ótip jatqan álem kýbogynyń alǵashqy kezeńinde chempıon atandy.</p>

Sportty damytý dırektsııasynyń baspasóz qyzmeti málim etkendeı, akrobatıkalyq baǵdarlamada bizdiń sportshylar jarys qojaıyny Qytaı quramasynan da kóp ball jınap, bas júldeni qanjyǵasyna baılady. Bizdiń komanda 2 kún buryn tehnıkalyq saıysta qolaǵa ıe bolǵan.

Jarys qorytyndysy:

1-oryn - Qazaqstan (213.7801). Komanda sapyndaǵylar – Aıgerim Qurmanǵalıeva, Eterı Kakýtıa, Nargıza Bolatova, Arına Mıasnıkova, Anna Pavlettsova, Jvklın ıAkımova, Jánııa Jıenǵazy;

2-oryn - Qytaı (205.0300 ball)

3-oryn - Aýstralııa (196.6266 ball)

Bul – ulttyq quramanyń Qytaı astanasyndaǵy jarystaǵy 5-júldesi.

Esterińizge sala ketsek, osyǵan deıin Edýard Kım men Nargıza Bolatova juby (mıkst dýet) búgin tehnıkalyq baǵdarlamada kúmis júldege, al toptyq saıysta Qazaqstan quramasy tehnıkalyq baǵdarlamanyń qola júldesine ıe boldy.

Al keshe, ıaǵnı ekinshi jarys kúni jekeleı synda erler arasyndaǵy erkin baǵdarlamada Vıktor Drýzın qola júldeger atandy.

Osylaısha otandastarymyz Beıjińnen 1 altyn, 2 kúmis pen 2 qola medal jeńip aldy. Qytaıdaǵy álem kýbogynyń kezeńi osymen aıaqtaldy.