ASTANA. KAZINFORM – Azııanyń eń myqty gımnasttarynyń biri Eljana Tanıeva sporttyq mansabyn aıaqtady.
E.Tanıeva bul týraly Instagram áleýmettik jelisindegi paraqshasynda málim etti.
Óziniń sport zalyna alǵash tórt jasynda barǵanyn aıta kelip, gımnastıkanyń ómiriniń ajyramas bóligine aınalǵanyn jetkizdi. Qýanyshty sáttermen qatar kedergilerdiń de bolǵanyn aıtqan sportshy óz bapkerlerine alǵysyn bildirdi. Ásirese, Álııa ıÝsýpovanyń ekinshi anasyna aınalǵanyn atap ótti.
Qazaqstan gımnastıka federatsııasynan alynǵan málimetke qaraǵanda, Eljananyń qorjynynda Azııa chempıonatynyń úsh altyn medali, Azııa oıyndarynyń eki kúmisi, Marbelıadaǵy Gran-prı jarysynyń altyn júldesi jáne álem kýbogynyń medaldary bar. Sondaı-aq ol Parıjdegi Olımpıada oıyndaryna qatysty.
Eske sala keteıik, budan buryn Eljana Tanıevanyń Olımpıadada kórkem gımnastıkadan el namysyn qorǵaıtynyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).