Kórkem gımnastıka: Qazaqstan Azııa chempıonatynda jalpykomandalyq esepte 2-oryn aldy
Sportty damytý dırektsııasynyń baspasóz qyzmeti málim etkendeı, sary qurlyq básekesiniń sońǵy kúni jekeleı jáne toptyq jattyǵýlar boıynsha aqtyq saıystar ótti. Qorytyndysynda qazaqstandyqtar 321.60 upaımen ekinshi orynǵa jaıǵasty. Bas júlde Ózbekstanǵa buıyrsa (329.45 upaı), úshinshi orynǵa Japonııa quramasy (316.85 upaı) ıelik etti.
Jekeleı synda óner kórsetken Eljana Tanıeva shyǵyrshyq (33.90) birinshi, taspa (31.05) tórtinshi, urshyq (30.80) besinshi, dop (32.60) jattyǵýlarynda úshinshi oryn ıelendi. Sondaı-aq taǵy bir otandasymyz Aıbota Ertaıqyzy shyǵyrshyqpen (33.25) úshinshi, taspamen (32.90) birinshi, urshyqpen (30.15) altynshy, doppen jattyǵýda (32.65) ekinshi orynǵa taban tiredi.
Al toptyq básekede elimizdiń qurama komandasy (Aıaýlym Kádir, Arýjan Qalsaeva, Aqsuńqar Ábdirahman, Baıan Qoıbaqar, Marııa Kornıenko, Sofııa An) bes shyǵyrshyq (32.10) pen eki dop, úsh taspa jattyǵýlarynda (29.65) qolaǵa qol jetkizdi.
«Arýlarymyz búgin de joǵary nátıje kórsetti. Barlyǵy oıdaǵydaı boldy. Eń basty maqsatymyzǵa qol jetkizdik. Bul dodada keshe Eljana Tanıeva kópsaıysta top jaryp, Olımpıada joldamasyn jeńip aldy. Qýanyshtymyz. Qajetti jaǵdaıdyń bárin jasaǵany úshin basshylyqqa alǵys aıtamyn. Endi úlken daıyndyqty bastaımyz. Bilikti mamandarmen men psıhologtarmen birigip jumys isteımiz», - dedi QR kórkem gımnatıkadan bas bapker Álııa ıÝsýpova.
Aıta keteıik, Azııa birinshiligine 17 elden 90-nan astam sportshy qatysty.