Kórkem gımnasshylar taǵy úsh medal jeńip aldy

<p>TAShKENT. KAZINFORM — Ózbekstan astanasy Tashkentte kórkem gımnastıkadan ótip jatqan Azııa chempıonatynyń ekinshi jarys kúninde el qorjynyna Olımpıada joldamasynan bólek, taǵy úsh medal tústi.</p>

Atap aıtsaq, keshe Qazaqstan eresekter quramasy bes shyǵyrshyqpen jattyǵýda Azııa birinshiliginiń qola júldesine qol jetkizse, jasóspirimder quramasy komandalyq kópsaıystan altyn jáne kúmis medalǵa ıe boldy. 

Esterińizge sala ketsek, keshe kórkem gımnastıkadan Qazaqstan quramasynyń úzdigi Eljana Tanıeva Tashkentte ótip jatqan Azııa chempıonatynda Parıj Olımpıadasynyń joldamasyna qol jetkizgenin jazǵan bolatynbyz.

Bul — el qorjynyna túsken 50-shi joldama. 

Otandasymyz kópsaıys qorytyndysy boıynsha 133.40 upaı jınap, birinshi orynǵa ıe boldy.

Jarys erejesi boıynsha, kvota tek qana altyn medal alǵan sportshyǵa beriledi. 

Búgin jekelegen jattyǵý boıynsha fınaldyq básekeler ótedi.