Qorytyndy jasaýǵa áli erte: mınıstr qyzý pikir týdyrǵan qujat týraly aıtty

<p>ASTANA. KAZINFORM -&nbsp;Mádenıet jáne aqparat mınıstri Aıda Balaeva búgin Májiliste aqparatqa qol jetkizý jáne qoǵamdyq qatysýy týraly zań jobasy tanystyrylǵanyn málimdedi.</p>

Onyń jazbasyna qaraǵanda, zań jobasynyń negizgi maqsaty – «Halyq únine qulaq asatyn memleket» tujyrymdamasyn odan ári iske asyrý jáne barlyq bılik tarmaqtarynyń ashyqtyǵy deńgeıin arttyrý.

«Ashyq NQA» portalynda qoǵamdyq talqylaýlar ótkizý jáne depýtattyq zań jobalary boıynsha retteýshilik áserdi taldaý máselesi tóńireginde qyzý pikirtalas boldy.

Qazirgi kezde qorytyndy jasaýǵa áli erte ekenin aıta ketkim keledi. Zań jobasy boıynsha jumys toby endi ǵana óz jumysyn bastamaq.

Úkimet depýtattyq korpýspen birlesip, talqylaýlardan keıin eki jaqqa da qolaıly sheshim shyǵarady dep paıymdaımyn", - degen mınıstr jelidegi aqparatynda.

Esterińizge sala keteıin, «Aqparatqa qol jetkizý týraly» Qazaqstan Respýblıkasynyń Zańy 2015 jyldan beri qoldanysta jáne azamattardyń aqparatqa qoljetimdiligin arttyrýǵa, sondaı-aq aqparat ıelenýshiler qyzmetiniń ashyqtyǵy men qoǵam aldyndaǵy eseptiligin qamtamasyz etýge baǵyttalǵan.

Aıta keteıik, búgin depýtattar aqparatqa qol jetkizýge qatysty zań jobasyndaǵy túzetýge qarsy shyqqanyn jazǵan bolatynbyz.