Kórisý kúni atyraýlyq jolaýshylar avtobýsta tegin júredi

ATYRAÝ. QazAqparat – Atyraý qalasyndaǵy avtobýstarda halyqtyq sıpat ala bastaǵan Kórisý kúni - 14 naýryzda jolaýshylar tegin júredi, dep habarlaıdy QazAqparat tilshisi.

Bul aqparatty búgin Atyraý qalalyq ákimdiginiń baspasóz qyzmeti rastady.

«Kórisý – ejelden halqymyzda bar dástúr. Ony qaıta jańǵyrtý bárimiz úshin mańyzdy bolmaq. Osyǵan oraı Atyraý qalasynyń ákimi Qaırat Orazbaev jolaýshylar tasymalymen aınalysatyn kásiporyndarǵa 14 naýryz –Kórisý kúni qalaishilik marshrýttarda jolaýshylardy tegin tasymaldaýǵa usynys aıtqan edi. Bul usynysqa «Atyrau-Avtopark» JShS-nyń basshylyǵy qoldaý bildirdi. Sóıtip, bul kúni №1, 2, 4, 8, 12, 21, 22, 30a jáne 65-marshrýttaǵy avtobýstarda jolaýshylar tegin júredi» -dep habarlady Atyraý qalalyq ákimdiginiń baspasóz qyzmeti.

Eske sala ketsek, Batys Qazaqstan obylysynyń turǵyny, aqsaqal Amanǵalı Qaısaǵalıev

kóne zamannan beri qalyptasqan kórisý dástúri jóninde tarqatyp aıtyp bergen bolatyn.