Qory sarqylyp kele jatqan kenish ıelerine «balama salyq» salý usynyldy

<p>Parlament Senatynda Salyq kodeksiniń jańa redaktsııasy týraly Úkimet saǵaty ótip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«KAZENERGY» qaýymdastyǵynyń bas dırektory Kenjebek Ibrashev jańa salyq kodeksine munaı salasyndaǵy salyqty retteýge arnalǵan úsh usynys aıtty.

«Birinshiden, qory sarqylyp kele jatqan munaı kenish ıelerin óndiris deńgeıin saqtap qalýǵa múmkindik beretin tehnologııalarǵa ınvestıtsııa salýǵa, eńbek ujymynyń aılyǵy men áleýmettik-turmys jaǵdaıyn jaqsartý úshin ınvestıtsııa salýǵa mindetteıtin jańa yntalandyrýshy mehanızm qarastyrý usynylady. Ony «jer qoınaýyn paıdalanýshyǵa salynatyn salyqqa balama salyq» dep ataýǵa bolady», - dedi qaýymdastyq basshysy.

Sondaı-aq, ol munaı kenishin barlaý jáne óndiristik tájirıbe kezeńinde jaǵylatyn gazǵa salyqty álemdik baǵamen emes, ózindik qunyna qarap salýdy usyndy.

«Óıtkeni ol gaz eksportqa shyǵarylmaıdy, kásiporynnyń ishki qajettiligine jaratylady, Úshinshiden, eksportqa ketetin munaıdy óndirýge salynatyn salyqtardy is júzindegi satylym baǵasyna qarap, transferttik baǵa qalyptasý jaǵdaıyn eskere otyryp esepteý kerek», - dedi Kenjebek Ibrashev.