Qorǵasta zańsyz uıymdastyrylǵan prıtondar men kazınolar joıyldy

<p>Іshki ister mınıstrligi UQK-men birlesip, &ldquo;Qorǵas shekara mańy yntymaqtastyǵy halyqaralyq ortalyǵy&rdquo; AQ aýmaǵyndaǵy saýyqtyrý ortalyǵy men qonaq úı keshenin búrkemelep, zańsyz uıymdastyrylǵan prıtondar men kazınolardyń jolyn kesti, dep habarlaıdy <a href="https://www.inform.kz/" target="_blank" rel="noopener">Kazinform</a> <a href="https://polisia.kz/iim-qorghas-shyho-da-zangsyz-ujymdastyrylghan-pritondar-men-kazinolardyng-zholyn-kesti/" target="_blank" rel="noopener">Polisia.kz</a>-ke silteme jasap.&nbsp;</p>

Atalǵan árbir nysan táýlik boıy jumys istep, kúzetpen jáne qatań feıs-baqylaýmen qamtamasyz etilip, negizinen sheteldik azamattardy ǵana qabyldap otyrǵan. Qylmystyq “bıznes” joǵary paıda men qupııalylyqty ýáde ete otyryp, Qazaqstannyń jas qyzdaryn aldap-arbaý arqyly jynystyq quldyqqa tartýǵa baǵyttalǵan.

– Jetisý oblysy polıtsııa departamenti uıymdasqan qylmysqa qarsy kúres basqarmasynyń jáne UQKD 5 basqarmasynyń qyzmetkerleri prokýratýramen kelise otyryp, bes negizgi fıgýrantty, onyń ishinde eki sheteldik azamatty ustady.

Sondaı-aq ıntımdik qyzmet kórsetýmen aınalysatyn 18 jastan 36 jasqa deıingi jalpy 21 adam jetkizildi, onyń ishinde 6 sheteldik áıel.

Tintý is-sharalarynyń nátıjeleri boıynsha aqsha, oıyn avtomattary, poker ústelderi jáne basqa da zattaı dáleldemeler alyndy. Sotqa deıingi tergep-tekserý Jetisý oblysynyń polıtsııa departamentimen júrgiziledi, – dedi QR ІІM uıymdasqan qylmysqa qarsy kúres departamentiniń ókili Qýandyq Alpys.

Ózge aqparat QPK-niń 201-babyna sáıkes jarııalaýǵa jatpaıdy.