Qorǵasta Ortalyq Azııa avtomobıl kórmesi jáne saýda ortalyǵy ashyldy
Atalǵan BAQ-tyń málimetinshe, munda erkin saýda aımaǵynyń kedendik qadaǵalaý saıasatyna súıene otyryp, «Áýe jáne jerústi kópiri» eksporttyq rejımi paıdalanylady. Sóıtip, kólikterdiń transshekaralyq eksportynda ıýanmen esep aıyrysý saýdasyn jaqsartý, kommertsııalyq kólikterdiń búkil eksporttyq júıesin jańartýdy jedeldetip, Qytaı men Qazaqstanǵa, Ortalyq Azııaǵa avtomobılderdi shyǵarý jáne iskerlik satý yntymaqtastyǵy platformasyn jasaǵan.
«Osy jyldan bastap «Qorǵas» portynan eksporttalǵan kommertsııalyq kólikterdiń sany turaqty ósý tendentsııasyn kórsetti jáne qazirgi ýaqytta 30 000-nan asty. Onyń ishinde 760-tan astamy «Áýe jáne jerústi kópiri» rejıminde eksporttaldy. Ortalyq Azııa avtomobıl kórme jáne saýda ortalyǵynyń resmı ashylýy Qytaı men sheteldiń avtomobıl kompanııalaryn «Qorǵastaǵy» ońtaıly bıznes ortamen, keń damý platformasymen jáne tıimdi basqarý modelimen yntymaqtasýǵa jol ashady», - dep jazady qytaılyq basylym.
Sonymen qatar, Qytaıdyń «Halyq» gazetiniń jazýynsha, Qazaqstan-Qytaı shekarasyndaǵy «Baqty» ótkelinde de ımport pen eksport saýdasy qaýyrt júrip jatyr.
Máselen, «Baqty» ótkizý shekaralyq beketiniń málimetteri boıynsha, osy jyldyń qańtar-qazan aralyǵynda osy pýnkten 265 000 tonna taýar (jalpy ımport-eksportty qosa alǵanda) ótken. Bul kórsetkish byltyrǵy sáıkes kezeńmen salystyrǵanda 53,97%-ǵa artyq. Al, ımport pen eksport kólemi 1,67 mıllıard AQSh dollaryna jetip, ol da ótken sáıkes kezeńmen salystyrǵanda 23,34%-ǵa ulǵaıǵan. Bıylǵy jyldyń sońyna deıin ımport pen eksporttyń jyldyq kólemi 300 000 tonnadan asady degen boljam bar. «Halyq» gazetiniń dereginshe, bul – 1990 jyly «Baqty» ótkeli ashylǵannan bergi eń joǵarǵy kórsetkish.
Foto: kaz.people.cn