Qorǵasta 6 zańsyz oıyn bıznesi men jezóksheler oshaǵy anyqtaldy

<p>ASTANA. KAZINFORM &mdash; &laquo;Qorǵas&raquo; ShYHO aýmaǵynyń Qazaqstan jaǵynda 6 zańsyz oıyn bıznesin jáne bir jezóksheler oshaǵyn QHR azamattary uıymdastyrǵan. Atalǵan oryndardy QMA Jetisý oblysy boıynsha departamenti oblystyq prokýratýrasy, Ulttyq qaýipsizdik departamenti sondaı-aq&nbsp; oblystyq polıtsııa ári shekara qyzmetimen birlese otyryp joıdy.&nbsp; Bul týraly Qarjylyq monıtorıng agenttiginiń baspasóz qyzmeti málim etti.&nbsp;</p>

Anyqtalǵandaı, astyrtyn oıyn mekemeleri túngi ýaqytta shekteýli adamdar úshin, atap aıtqanda Qytaı azamattary úshin ǵana jumys istegen. 

«Tintý nátıjesinde 4 kommertsııalyq ǵımaratta 76 oıyn avtomaty, 43 oıyn ústeli, qumar oıyndaryn uıymdastyrýǵa qajetti kóptegen tehnıkalyq qural-jabdyqtar, sondaı-aq 60 myń ıýannan astam aqshalaı qarajat tabylyp tárkilendi» — delingen habarlamada. 

Sotqa deıingi tergeý jalǵasyp jatyr. QR QPK 201-babyna sáıkes, tergeý múddesindegi ózge de málimetter taratylýǵa jatpaıdy.

QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.