«Qorǵasta» 200 keli ıesiz dári-dármek tabyldy
18:29, 06 Aqpan 2019
ASTANA. QazAqparat - Qorǵastaǵy shekarashylar eki tsentnerden astam ıesiz dári-dármek tapty, dep habarlaıdy UQK baspasóz qyzmeti.
«Qorǵas» shekara beketi jasaǵynyń shekarashylary júkti Halyqaralyq shekara yntymaqtastyq ortalyǵynyń aýmaǵyn tekserý kezinde QR-ǵa kiretin zaldan tapqan.
«Jalpy salmaǵy 209 keliden astam júktiń ishinen Qytaı óndirgen dárilik zattar shyqty. Zańsyz taýardyń ıesi shekarashylardyń jaqyndaǵanyn kórip, adamdardyń arasymen bildirmeı ketip qalýy múmkin. Ol tabylǵan joq. Taýar akt boıynsha «Altynkól» shekara beketiniń qyzmetkerlerine berildi», - delingen habarlamada.