«Qorǵas» ortalyǵynda I Eýrazııalyq qarjy-ekonomıkalyq forýmy ótti
Úsh kúnge jalǵasqan halyqaralyq forýmǵa Reseı, Ózbekstan, Taıvan, Belarýs, Ýkraına jáne basqa da memleketten 150-ge jýyq delegat qatysty. Atalǵan forýmda tájirıbe almasý, qarjy júıelerin uıymdastyrý, ınvestorlarǵa osy taraptan keńirek múmkindik jasaý, saýda ekonomıkalyq aýmaǵyn keńeıtý, týrızm salasyn damytý syndy taǵy basqa da búgingi tańdaǵy ózekti máseleler talqylandy.
«Atap aıtqanda, qazirgi ýaqytta shekara mańy halyqaralyq yntymaqtastyq ortalyǵynda qarjy júıesimen jumys isteý múmkin emes. Bank bólimderi tipti, qarapaıym bankomattar da joq. Bul óz kezeginde osy ortalyqqa qarjy quıyp otyrǵan ınvestorlarǵa keri áserin tıgizetini anyq», - deıdi «Tsentrkredıt» AQ Baqylaý keńesiniń tóraǵasy Baqytbek Baıseıitov.
Al Almaty oblysy ákiminiń orynbasary Serikjan Beskempirovtiń aıtýynsha, eki memlekettiń yntymaqtastyǵy nátıjesinde ashylǵan osyndaı iri halyqaralyq ortalyqqa nazaryn aýdarǵan memleketter qarasy kóbeıip keledi. Taýar aınalymy eselep artyp, ınvestorlardyń sany da ósken. Bul rette S. Beskempirov onnan astam memlekettiń 1 000-nan astam taýarlary satylatyn halyqaralyq ortalyqta barlyq jaǵdaı jasaý úshin osyndaı aýqymdy kezdesýler qajet ekenin atap ótedi.
Sonymen qatar, jıyn barysynda «Qorǵas-Shyǵys qaqpasy» AEA ortalyǵy bas dırektorynyń orynbasary Asqar Eshenhanov, búginde Panfılov aýdanynyń aýmaǵynda memlekettiń iri jobalary júzege asyrylýda.
«On jyl buryn eshteńe joq aýdanda temir joldar salynyp, qalashyq boı kóterdi. Uly Jibek joly jańǵyryp, tamyryna qan júgirgen aýdannyń bolashaǵy keńeıdi. 1 myńnan astam jumys oryny ashyldy. Qazirgi ýaqytta aýdanda áýejaı salý qolǵa alynyp jatyr. Salynǵan ınvestıtsııa kólemi 450-500 mlrd teńgege jetken. Bunyń barlyǵy ınvestorlarmen durys jumys isteýdegi jemis», - dedi S. Beskempirov.
Budan soń ár salanyń ókilderi ózderiniń jetistikterin tanystyra kele, jeke-jeke dóńgelek ústelde kezdesip, birlese jumys jasaýǵa ózara memerandýmǵa qol qoıyldy.