«Qorǵas» halyqaralyq ortalyǵy Jetisý oblysy ákimdiginiń menshigine ótti

ASTANA. QazAqparat – «Qorǵas» shekaramańy yntymaqtastyǵy halyqaralyq ortalyǵy» Jetisý oblysy ákimdiginiń menshigine ótti. Premer-Mınıstr Álıhan Smaıylov tıisti Úkimet qaýlysyna qol qoıdy, dep habarlaıdy QazAqparat tilshisi.

«Memlekettik zańdy tulǵalarǵa bekitilip berilgen memlekettik múlikti memlekettik menshiktiń bir túrinen ekinshisine berý qaǵıdasyn bekitý týraly» QR Úkimetiniń 2011 jylǵy 1 maýsymdaǵy № 616 qaýlysyna sáıkes QR Úkimeti qaýly etedi:

«Qorǵas» shekaramańy yntymaqtastyǵy halyqaralyq ortalyǵy» arnaıy ekonomıkalyq aımaǵyn basqarýshy kompanııasy» aktsıonerlik qoǵamy aktsııalarynyń 100 paıyz mólsherindegi memlekettik paketi QR zańnamasynda belgilengen tártippen respýblıkalyq menshikten Jetisý oblysy ákimdiginiń kommýnaldyq menshigine berilsin», - delingen Úkimet qaýlysynda.

Aıta keteıik, buǵan deıin atalǵan halyqaralyq ortalyq respýblıkalyq menshikte boldy jáne ony basqarý men jumysyn úılestirý Almaty oblysy ákimdiginiń quzyretinde bolǵan edi.

Qosa keteıik, 3 jyldan beri toqtap turǵan «Qorǵas» ortalyǵy bıyl 24 sáýirden bastap qaıta iske qosyldy.