«Qorǵas» boıynsha qylmystyq is sotqa tapsyryldy

ASTANA. 11 sáýir. QazAqparat - Búgingi kúni aıyptalýshylar men olardyń qorǵaýshylaryn «Qorǵas» jáne «Qaljat» keden beketterinde ekonomıkalyq kontrabandamen aınalysý, uıymdasqan qylmystyq qaýymdastyq qurý, oǵan basshylyq etý jáne onyń qyzmetine qatysý faktileri boıynsha qozǵalǵan qylmystyq istiń materıaldarymen tanystyrý protsedýrasy aıaqtalýda, dep habarlaıdy QR Ekonomıkalyq qylmysqa jáne sybaılas jemqorlyqqa qarsy kúres agenttiginiń baspasóz qyzmeti.

«Aǵymdaǵy jylǵy 3 sáýirde 1575 tomdy quraıtyn qylmystyq istiń materıaldary ári qaraı sotqa tapsyrý úshin aıyptaý qorytyndysymen Almaty qalasynyń prokýratýrasyna joldandy. 11 sáýirde qylmystyq is materıaldaryn máni boıynsha qaraý úshin Mamandandyrylǵan áskerı sotqa jiberý bastaldy», - delinedi habarlamada.

Bul qylmystyq ister boıynsha aıyptalýshy retinde 45 tulǵa ótip otyr, olardyń 42-si qamaýda, 3-ne qatysty eshqaıda shyqpaý týraly bultartpaý sharasy taǵaıyndalǵan.

Budan basqa, 19 adam izdeýge jarııalanǵan, olarǵa qatysty qylmystyq is materıaldary jeke óndiriske shyǵaryldy.