Qorǵas arqyly qymbat tondar men telefondardy ótkizbek bolǵandar ustaldy
13:07, 10 Qańtar 2018
ASTANA. QazAqparat - Qazaqstan-Qytaı shekarasynda uıaly telefondar men teri buıymdarynyń iri partııasynyń joly kesildi, dep habarlaıdy «QazAqparat» HAA QR UQK Shekara qyzmetine silteme jasap.
«Qorǵas» ótkizý beketiniń jasaǵy Qazaqstannyń 40 jastaǵy azamatshasyn ustady. Ol Halyqaralyq shekaralyq yntymaqtastyq ortalyǵynan Qazaqstanǵa kóp mólsherdegi uıaly telefondardy zańsyz kirgizbek bolǵan. Tekseris barysynda odan 396 dana «Xiaomi» markaly telefondar tabylǵan.
Sonymen qatar dál osy baǵytpen kele jatqan, teri buıymdaryn zańsyz kirgizbek bolǵan Qazaqstannyń 29 jastaǵy turǵyny da ustaldy. Onda 8 qarakúzen terisinen jasalǵan ton bar ekeni anyqtaldy.
Atalǵan faktiler boıynsha tıisti organdarǵa habar berildi.