Qorǵanys jáne aeroǵarysh ónerkásibi mınıstrligindegi komıtetke jańa basshy taǵaıyndaldy

ASTANA. QAZAQPARAT - Qazaqstan Respýblıkasy Qorǵanys jáne aeroǵarysh ónerkásibi mınıstriniń buıryǵymen Imanálıev Baqytbek Memlekettik materıaldyq rezervter komıtetiniń tóraǵasy bolyp taǵaıyndaldy, dep habarlaıdy «Qazaqparat» HAA tilshisi mınıstrliktiń baspasóz qyzmetine silteme jasaı otyryp.

Baqytbek Zúbaırauly 1968 jyly 6 shildede Jambyl oblysynda dúnıege kelgen, ulty - qazaq.

Bilimi - joǵary, «Áýlıe-Ata» ýnıversıtetin «Qarjy jáne nesıe» mamandyǵy boıynsha jáne M.H. Dýlatı atyndaǵy Taraz memlekettik ýnıversıtetin «Munaı jáne gaz ken oryndaryn ıgerý» mamandyǵy boıynsha bitirgen. Ekonomıst-qarjyger, ınjener.

2006 jyly Frantsııa Ulttyq ákimshilik mektebinde (ENA) daıyndyqtan ótken.

2013 jyly Reseı Federatsııasy Prezıdenti janyndaǵy Halyq sharýashylyǵy jáne memlekettik qyzmet jónindegi Reseı akademııasy jáne Halyqaralyq bıznes akademııasynyń magıstratýrasyn MVA akademııalyq dárejesi berile otyryp, «Menedjment» mamandyǵy boıynsha bitirgen.

Eńbek jolyn 1988 jyly «Djambýlgrajdanproekt»  memlekettik jobalaý ınstıtýtynda tehnık, ınjener-jobalaýshy bolyp  bastaǵan.

1991-1998 jyldar aralyǵynda Jambyl oblysy memlekettik sáýlet-qurylys ınspektsııasynyń mamany, bas mamany qyzmetin atqardy.

1998-2001 jyldar  aralyǵynda  «Shymkentnefteorgsıntez» AAQ-y Taraz fılıaly munaı qoımasynyń bastyǵy bolyp jumys istedi.

2001-2003 jyldar aralyǵynda - Jambyl oblysy Merki aýdany ákiminiń orynbasary.

2003-2004 jyldar aralyǵynda - Jambyl oblysy ákiminiń  apparaty ekonomıka, qarjy jáne áleýmettik qorǵaý bóliminiń meńgerýshisi.

2004-2006 jyldar aralyǵynda - Jambyl oblysy ákimdiginiń qarjy departamentiniń dırektory.

2006-2010  jyldar  aralyǵynda - Jambyl oblysy ákiminiń orynbasary.

2011-2012 jyldar aralyǵynda - Qazaqstan Respýblıkasy Prezıdenti Іs basqarmasy Qazaqstan Respýblıkasy Parlamenti Sharýashylyq basqarmasy bastyǵynyń orynbasary.

2012 jylǵy qarasha men 2013 jylǵy shilde aralyǵynda - Qazaqstan Respýblıkasy Prezıdenti Ákimshiligi Áleýmettik-ekonomıkalyq monıtorıng bóliminiń konsýltanty.

2013 jylǵy shilde men 2014 tamyz aralyǵynda - Qazaqstan Respýblıkasy Statıstıka agenttiginiń jaýapty hatshysy.

2014 jylǵy qyrkúıekten bastap Qazaqstan Respýblıkasy Ulttyq ekonomıka mınıstrligi Statıstıka komıteti tóraǵasynyń orynbasary.

2016 jylǵy 26 mamyrda Qazaqstan Respýblıkasy Ulttyq ekonomıka mınıstrligi Memlekettik materıaldyq rezervter komıtetiniń tóraǵasy bolyp taǵaıyndaldy.

«Qurmet» ordenimen,  «Qazaqstan Konstıtýtsııasyna 10 jyl»,  «10 jyl Astana», «Qazaqstan Respýblıkasynyń táýelsizdigine 20 jyl», «Qazaqstan Konstıtýtsııasyna 20 jyl» medaldarymen, «Statıstıka úzdigi» tósbelgisimen marapattalǵan.