Qorǵanys ónerkásibi arnaıy qor arqyly qarjylandyrylady

ASTANA. QazAqparat – Parlament palatalarynyń birlesken otyrysynda Prezıdent Qasym-Jomart Toqaev eldiń qorǵanysy áleýetin arttyrýdyń joldaryn atady, dep habarlaıdy QazAqparat tilshisi.

«Taǵy bir mańyzdy másele – qorǵanys-ónerkásip keshenin jan-jaqty nyǵaıtý. Bul másele damyǵan memleketterde ulttyq qaýipsizdikti qamtamasyz etýde sheshýshi ról atqarady. Eń mańyzdy mindet – ımportqa táýeldilikti tómendetýge múmkindik beretin, ózimizde shoǵyrlaný úlesi joǵary óndiris tsıklin qurý», - dedi Qasym-Jomart Toqaev.

Memleket basshysy eldiń armııasyn joǵary tehnologııalyq qarý-jaraqpen jáne áskerı tehnıkamen, onyń ishinde berendi tehnıkamen, ushqyshsyz ushý apparattarymen, zamanaýı atys qarýymen qamtamasyz etý kerektigin atap ótti.

«Tehnıkany jedel jóndeý boıynsha óndiristik qýattardy nyǵaıtyp, otandyq kásiporyndardy qoldaýdy kúsheıtý qajet. Bizde tıisti materıaldyq-tehnıkalyq baza, quzyretter men kadrlar bar. Olarǵa tıisti vedomstvolardyń tapsyrystary qajet. Qazirgi zamanǵy tehnologııalar transferi jáne jańa óndiristerdi oqshaýlaý baǵytyndaǵy jumysty jalǵastyrý qajet. Qorǵanys-ónerkásip keshenin damytýdyń arnaıy qory otandyq kásiporyndardy tikeleı qarjylyq qoldaý tetigi bolady», - dedi Prezıdent.

Memleket basshysy bul jolǵy Joldaýyn «Ádiletti Qazaqstannyń ekonomıkalyq baǵdary» degen taqyryppen jarııalap otyr.

Buǵan deıin jazǵanymyzdaı, Parlament palatalarynyń birlesken otyrysyna depýtat-mınıstrlermen birge eńbek adamdary da jınaldy.