Qorǵanys mınıstrliginiń ótinishinen keıin Jambyl oblysyndaǵy qoıma tekserildi

NUR-SULTAN. QazAqparat - 1 maýsymda Baızaq aýdandyq polıtsııa bólimine Jambyl oblysy, Baızaq aýdany, Sarykemer aýylynda Óndiristik baza aýmaǵynda kóptegen oq-dáriler tabylǵany týraly habar tústi. Osy kúni bul fakti Baızaq aýdandyq polıtsııa bólimi Aqparattardy tirkeý kitabyna tirkeldi. Bul týraly QazAqparat QR Qorǵanys mınıstrliginiń baspasóz qyzmetine silteme jasap habarlaıdy.

«Atalǵan habarlamany tekserý barysynda Óndiristik bazanyń «Baqtııar-Group» JShS-ǵa tıesili ekeni anyqtaldy. Onyń aýmaǵynda qara metal synyqtary (kúıdirilgen metal, bolat jáne shoıyn) saqtaýly bolǵan. Bul metaldy «Baqtııar-Group» JShS 2021 jyldyń 30 naýryzynda Túrkistan oblysy Arys qalasy «Qazaqtehnologııalar» AQ metal synyqtary qoımasymen kelisimge sáıkes alynǵan.

Habarlamaǵa sáıkes, «Baqtııar-Group» JShS tústi jáne qara metall synyqtary men qaldyqtaryn jınaý (daıyndaý), saqtaý, óńdeý jáne ótkizý boıynsha qyzmetti júzege asyrýdy bastaǵany týraly zańdy tulǵalardyń lıtsenzııasy bar. Zańdy tulǵanyń mekenjaıy mynda tirkelgen: QR, Jambyl oblysy, Baızaq aýdany, Sarykemer aýyly», - delingen mınıstrliktiń habarlamasynda.