Qorǵanys mınıstrliginiń Ortalyq ansambliniń mýzykanttary men bıshileri erekshe aktsııa ótkizdi (FOTO)
Eki qabatty ekskýrsııalyq avtobýspen QR Qorǵanys mınıstrligi Ortalyq ansambliniń ártisteri elordanyń kórnekti kóshelerin aralaı júrip kontsert qoıdy. Ol Aqjol kóshesi - Abylaı han dańǵyly - Qabanbaı batyr dańǵyly («Azııa park» SOO) - «Báıterek» monýmenti - Aqjol kóshesi baǵyttarynda ótti.
Olar soǵys jyldaryndaǵy tanymal ánder men bılerdi oryndady, sondaı-aq óz baǵyttary boıynsha toqtaǵan ár pýnktte kishigirim áskerı-patrıottyq kontsert ótkizip, elorda turǵyndary men qonaqtaryna sharlar men QR Qarýly Kúshteriniń beınesi bar bazarlyqtar taratty.
«Jeńisti jyrlaımyn» aktsııasy elorda qonaqtary men turǵyndary úshin erekshe tosyn bolyp qana qoımaı astanalyqtar men barlyq qazaqstandyqtarǵa jaqyn qalǵan mereıtoı kúnin taǵy bir márte eske salyp otansúıgishtik rýhty kóterýge yqpal etti. Osy maqsatta qazirgi ýaqytta elimizdiń barlyq aýmaqtarynda ótkizilip jatqan osyndaı sharalar UOS ardagerlerine arnap kórsetilgen iltıpattyń bir bóligi, dep habarlaıdy Qorǵanys mınıstrliginiń baspasóz qyzmeti.