Qorǵanys mınıstrliginiń komandasy QR Tuńǵysh Prezıdenti kýbogyn jeńip aldy

NUR-SULTAN. QazAqparat –Tuńǵysh Prezıdent kúni qarsańynda elordadaǵy «Jekpe-jek» saraıynda áskerı qoıan-qoltyq urystan V halyqaralyq týrnır ótti. Bul týraly QazAqparat QM baspasóz qyzmetine silteme jasap habarlaıdy.

QR Tuńǵysh Prezıdenti – Elbasy Kýbogy úshin Armenııa, Belarýs, Qazaqstan, Qyrǵyzstan, Mońǵolııa, Reseı, Tájikstan jáne Ózbekstan elderiniń eń myqty balýandary baq synasady. Barlyǵy 409 sportshy qatysty, olardyń ishinde álem, Azııa jáne Eýropa chempıondary, 20-dan astam halyqaralyq dárejedegi sport sheberi, 70-ten astam QR sport sheberi, birneshe júzden astam kandıdat jáne qoıan-qoltyq urys boıynsha birinshi dárejeli ıegerleri bar.

Týrnırdiń jabylý saltanatyna Premer-Mınıstr Asqar Mamın, Qorǵanys mınıstri – Búkilqazaqstandyq qoıan-qoltyq urys qaýymdastyǵynyń tóraǵasy, general-maıor Nurlan Ermekbaev, halyqaralyq qoıan-qoltyq urys federatsııasynyń prezıdenti Sergeı Astahov, Parlament depýtattary, mınıstrlikter men kúsh qurylymdarynyń basshylary qatysty.

Áskerı qoıan – qoltyq urys boıynsha jalpykomandalyq esepte QR Qorǵanys mınıstrliginiń qurama komandasy úzdik dep tanyldy, ekinshi orynǵa «Shyǵys» óńirlik qolbasshylyǵynyń sportshylary ıe bolsa, úshinshi orynǵa QR Іshki ister mınıstrliginiń komandasy jáne Ózbekstan qurama komandasy taban tiredi.

Qoıan – qoltyq urys boıynsha erler arasyndaǵy jeke birinshilikte eń úzdik dep tanylǵandar, 55 kg deıingi salmaq dárejesinde – Jandos Madehııanov (QR QM), 60 kg deıin – Baýyrjan Sultanov (QR UU), 65 kg deıin – Shyńǵys Janǵazy (QR UQK), 70 kg deıin – Danııar Qoıshybek (Aıbyn), 75 kg deıin – Aıdyn Tólepbaev (QR ІІM), 80 kg deıin – Magomed Kabardıev (Reseı), 85 kg deıin – Demeı Beksultan (QR UQK), 90 kg deıin – Mıras Shyntasov (Atyraý oblysy), 90 keli salmaq dárejesinen joǵary-Jeńis Erdáýlet ıe boldy (ІІM qsqb).

Qoıan – qoltyq urystan názik jandylar arasynda: 50 kg deıingi salmaq dárejesi boıynsha Tomırıs Júsipova (Aqmola oblysy), 55 kg deıin – Zınaıda Beloýsova (QR QM), 60 kg deıin – Regına Maksımova (QR QM), 65 kg deıin – Sora Rahmonova (QR QM), 70 kg deıin – Talshyn Jumataeva (QR QM), 75 kg deıin – Kúndıas Saǵyndyqova («Zapad» RgK), 75 kg astam-Ýmıda Sadyqova (QR QM).

Bul týrnırde birinshi orynǵa «sport sheberi» orttyq ataǵy beriledi. Turaqty túrde uıymdastyrylyp otyratyn týrnırdiń bıylǵy jalpy júlde qory 8 mln teńgeni quraıdy. Buǵan deıin ol QR kúsh qurylymdarymen kezek boıynsha ótetin. 2018 jyldan bastap turaqty negizde jarystardy QR Qorǵanys mınıstrligi uıymdastyrady.