Qorǵanys mınıstrliginiń 7 laýazymdy tulǵasy sottaldy
«Aǵymdaǵy jyly Qorǵanys mınıstrligi salasynda jasalǵan sybaılas jemqorlyq qylmystardyń sany artqanyn atap ótken jón. Osy jyldyń 7 aıynda 2019 jyldyń osy kezeńimen salystyrǵanda qylmystyq isterdiń sany 11-den 31-ge deıin úsh esege artty. Onyń ishinde: 22-si (2019 j. 7 aıda - 9 is) sotqa jiberilip, Qorǵanys mınıstrliginiń 7 laýazymdy tulǵasy sottaldy», - deıdi, - Agenttiktiń asa mańyzdy ister jónindegi tergeýshisi Danııar Bıǵaıdarov.
Ol ótken aptada QR Qorǵanys mınıstrliginiń kadr qyzmetinde júıeli sybaılas jemqorlyq faktileri anyqtalǵanyn aıtty.
«Almaty qalasy boıynsha Sybaılas jemqorlyqqa qarsy qyzmet Almaty qalasy Qorǵanys departamentiniń bólim bastyǵy men Almaty qalasy Polıtsııa departamentiniń ınspektoryna qatysty sotqa deıingi tergeýdi bastady. Olar adamdar tobymen aldyn ala sóz baılasý arqyly áskerı qyzmetke jaramsyz retinde áskerı bılet berýge járdem kórsetý syltaýymen áskerge shaqyrylýshydan 1 myń AQSh dollaryn quraıtyn aqshalaı qarajatty aldap alǵan. Jasyryn tergeý áreketterin júrgizý barysynda bólim bastyǵy issaparǵa jiberilgen ınspektor arqyly 1000 AQSh dollary somasyndaǵy aqsha qarajatyn alý faktisi qujattaldy. Kúdiktilerge qatysty protsessýaldyq ustaý sharasy kinásin tolyq moıyndaýǵa baılanysty qoldanylǵan joq», - deıdi ol.
Eske sala ketsek, búgin Antikor News jobasynyń tikeleı efırinde QR Prezıdentiniń Qazaqstan halqyna Joldaýynda aıtylǵan sybaılas jemqorlyqqa qarsy reformalardy iske asyrý týraly aıtyldy.