Qorǵanys mınıstrligine qarasty oqý oryndary pedagogteriniń jalaqysy ósedi

ASTANA. QazAqparat – Qorǵanys mınıstrligine qarasty joǵary oqý oryndarynda qyzmet etetin pedagogterdiń jalaqysy ósýi múmkin. Bul týraly ashyq talqyǵa shyǵarylǵan Úkimet qaýlysynyń jobasynda jazylǵan, dep habarlaıdy QazAqparat tilshisi.

Qujatta kórsetilgendeı, endi Qorǵanys mınıstrligine qarasty joǵary jáne joǵary oqý ornynan keıingi bilim berý uıymdary pedagogteriniń laýazymdy aılyq mólsheri myna túzetý koeffıtsıentin qoldana otyryp aıqyndalady:

- 2023 jylǵy 1 qańtardan bastap 2,32 mólsherinde;

- 2024 jylǵy 1 qańtardan bastap 2,74 mólsherinde;

- 2025 jylǵy 1 qańtardan bastap 3,2 mólsherinde mólsherinde túzetý koeffıtsıentin qoldana otyryp aıqyndalady.

«Jobany iske asyrý respýblıkalyq bıýdjetten somasy 1,6 mlrd teńge qarjy shyǵyndaryn qajet etedi. Jobanyń negizgi maqsaty - joǵary áskerı oqý oryndary oqytýshylarynyń jalaqysyn tıisti mártebeleri boıynsha azamattyq joǵary oqý oryndarynyń deńgeıine deıin arttyrý», - dep Úkimet qaýlysyna túsindirme bergen Qorǵanys mınıstrligi.

Ashyq NQA portalynda jarııalanǵan qujat 19 sáýirge deıin kópshilik talqylaýda bolady.