Qorǵanys mınıstrliginde Qazaqstan men Pákistannyń áskerı yntymaqtastyq máseleleri talqylandy

NUR-SULTAN. QazAqparat – Pákistan Islam Respýblıkasy Qarýly Kúshteri Shtabtar bastyqtary birikken komıtetiniń tóraǵasy general Nadım Raza Qazaqstanǵa resmı saparmen keldi, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Qorǵanys vedomstvosynda general Nadım Razany Qazaqstan Respýblıkasynyń Qorǵanys mınıstri general-leıtenant Nurlan Ermekbaev qabyldady.

Keńeıtilgen quramda general Nadım Razamen Qorǵanys mınıstriniń birinshi orynbasary – Bas shtab bastyǵy general-leıtenant Murat Bektanov ta kezdesti.

Kezdesý barysynda Qazaqstan men Pákistan arasyndaǵy áskerı yntymaqtastyqtyń ózekti máseleleri talqylandy. Atap aıtqanda, jaýyngerlik daıarlyq, áskerı bilim berý jáne kadrlar daıarlaý, BUU mıssııalarynda bitimgershilik kontıngentin birlesip óristetý salasyndaǵy ózara is-qımyl máseleleri qozǵaldy.

Jumys sapary sheńberinde general Nadım Razanyń Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıtetine barýy josparlanyp otyr.