Qorǵanys mınıstrliginde aqparattyq-kommýnıkatsııalyq salada biryńǵaı operator qurylmaq
Keńeske Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın, «Qazaqstan Ǵarysh Sapary» UK» AQ jáne «Ghalam» JShS basshylyǵy, mınıstrliktiń qurylymdyq bólimsheleriniń ókilderi qatysty.
Qorǵanys vedomstvosynan mınıstrdiń orynbasary general-leıtenant Sultan Qamaletdınov, Strategııalyq damý, Aqparattandyrý, Baılanys, Memlekettik qupııalardy qorǵaý departamentteriniń, Áskerı-ǵaryshtyq baǵdarlamalar ortalyǵynyń bastyqtary jáne «Qazaqstan GAJ Ortalyǵy» AQ basshylyǵy qatysty.
«Memleket basshysynyń tapsyrmasyn oryndaý úshin Qorǵanys mınıstrligine áskerı maqsattaǵy aqparattyq-kommýnıkatsııalyq ınfraqurylymnyń biryńǵaı operatoryn qurý tapsyryldy. Qorǵanys mınıstrligi «Qazaqstan Respýblıkasynyń qorǵanysy jáne Qarýly kúshteri týraly» Zańǵa túzetýler engizdi», – dedi Qorǵanys mınıstri.
El Prezıdenti Halyqqa Joldaýynda aýqymdy aqparattyq-telekommýnıkatsııalyq áleýetti iske asyrý qajettigin atap ótti. Jańa tsıfrlyq dáýirde onyń geosaıası mańyzy zor. Qazaqstan Eýrazııa keńistiginiń eleýli bóliginde ortalyq tsıfrlyq habqa aınalýǵa tıis.
General-leıtenant Rýslan Jaqsylyqov atap ótkendeı, áskerı maqsattaǵy aqparattyq-kommýnıkatsııalyq ınfraqurylym obektilerin qurý, engizý, damytý, ıntegratsııalaý jáne júıelik-tehnıkalyq qyzmet kórsetý biryńǵaı operatordy qurýdaǵy maqsat bolyp tabylady. Biryńǵaı operator aqparattyq-kommýnıkatsııalyq tehnologııalar salasyndaǵy talaptardyń saqtalýyn, aqparattyq qaýipsizdikti, anyqtalǵan kemshilikterge jedel den qoıýdy jáne olardy ýaqtyly joıý jóninde sharalar qabyldaýdy, sondaı-aq aqparattyq-kommýnıkatsııalyq qyzmetter kórsetý kezinde elektrondyq aqparattyq resýrstardy saqtaý qaýipsizdigin, aqparattyq júıelerge tehnıkalyq qyzmet kórsetýdi jáne olardy súıemeldeýdi qamtamasyz etedi.
Biryńǵaı operator retinde «Qazaqstan GAJ Ortalyǵy» aktsıonerlik qoǵamyn belgileý usynylyp otyr. Bul ortalyq 15 jyldan astam ýaqyt boıy Qorǵanys mınıstrliginiń aqparattyq júıelerin tehnıkalyq turǵyda qoldaýdy jáne súıemeldeýdi júzege asyryp keledi.
Munan ózge, keńes barysynda joǵary jıilikte Jerdi qashyqtan zondtaýmen qamtý jáne paıdalanýǵa berý, túsirilimderdi taratýǵa shekteýlerdi alyp tastaý jónindegi jobany iske asyrýdyń tehnıkalyq sheshimi men tetigi boıynsha máseleler de talqylandy.