Qorǵanys mınıstrligi Shymkenttegi áskerı qyzmetshiniń ólimine qatysty pikir bildirdi
«Shymkenttegi kópqabatty úılerdiń birinde jaldamaly páterde áskerı qyzmetshi men onyń aǵasy jazataıym oqıǵadan kóz jumdy. Áskerı qyzmetshi № 556/52 áskerı bóliminiń ofıtseri bolǵan, onyń aǵasy – Shymkenttegi «Gıper Haýs» saýda ortalyǵynda satýshy bolyp jumys istegen. ıAǵnı, birqatar BAQ habarlaǵan eki áskerı qyzmetshiniń ólimi týraly aqparat shyndyqqa janaspaıdy. Qaıǵyly oqıǵa jumystan tys ýaqytta bolǵan», - dep túsindirdi mınıstrliktiń baspasóz qyzmeti.
Buǵan deıin, Shymkentte eki adamnyń ıisten ýlanyp, kóz jumǵany habarlanǵan edi.
«Qaztransgaz Aımaq» AQ málimetinshe, qaıǵyly jaǵdaı búgin túnde Túrkistan kóshesindegi úılerdiń birinde bolǵan. Tańǵy saǵat 07:51 shamasynda TJD kezekshi bólimine 24/4 úıdegi 83-páterden 2 adamnyń máıiti tabylǵany týraly habarlama túsken.
«Aldyn ala boljam boıynsha, 1994 jáne 1992 jyly týǵan eki adam gazdyń ıisine ýlanyp qaza bolǵan. Oqıǵa ornyna jetken apattyq brıgada tekserý barysynda ashanada 2 konforly gaz plıtasy men «DUBAI» sý jylytqyshy ornatylǵanyn anyqtady. Alaıda sý jylytqysh peshtiń tútin shyǵaratyn qubyry (gofra) ajyrap ketken. Qazir eki turǵynnyń ólimine naqty ne sebep bolǵany anyqtalýda» delingen habarlamada.