Qorǵanys mınıstrligi men Shymkent ákimdigi memorandýmǵa qol qoıdy

ShYMKENT. QazAqparat - Shymkent qalasynyń ákimdigi Ǵabıdolla Ábdirahymov Qorǵanys mınıstri Nurlan Ermekbaevpen jáne respýblıkalyq «Jas sarbaz» áskerı-patrıottyq qoǵamdyq qozǵalysynyń tóraǵasy, general-maıor Muhamedjan Talasovpen memorandýmǵa qol qoıdy, dep habarlaıdy QazAqparat tilshisi.

Memorandým aıasynda taraptar jastarǵa  áskerı-patrıottyq tárbıe berý salasynda jáne áskerı-qoldanbaly sport túrlerin nasıhattaýda yntymaqtastyq ornatyp,  ózara is-qımyl jasaýǵa kelisti. Sonymen qatar, jastarǵa áskerı-patrıottyq tárbıe berý máseleleri boıynsha birlesken jyldyq is-sharalar josparyn ázirleý, jastardy áskerı-patrıottyq baǵytta tárbıeleýge ýaǵdalasty. Sondaı-aq, mańyzdy qujat arqyly áskerı qyzmettiń bedelin arttyrýǵa jáne Qazaqstan Respýblıkasy Qarýly Kúshteriniń ımıdjin ilgeriletýge baǵyttalǵan birlesken is-sharalar ótkizetin boldy.
 

Odan bólek, kadet synyptaryn jáne áskerı-patrıottyq klýbtardy ashýda múddeli organdarmen, respýblıkalyq, óńirlik jastar uıymdarymen ózara is-qımyl jasalady. Áskerı-patrıottyq úıirmelerdiń, kadet synyptarynyń, sondaı-aq bilim mekemelerinde, oqýshylar saraıynda, demalys lagerlerinde, sport lagerlerinde ózge de jastar uıymdarynyń jumysy boıynsha birlesip sharalar uıymdastyrady.