Qorǵanys mınıstrligi Qazaqstannyń memlekettik organdary arasynda alǵashqy bolyp Korganyz.kz-ınternet-televıdenıesin iske qosty
Korganyz.kz portalyna tek áskerı mamandardyń qyzyǵýshylyǵyn oıatyp qana qoımaı, keń aýdıtorııaǵa arnalǵan Qarýly Kúshterdiń tynys tirshiligi men qyzmeti týraly beınematerıaldar, fotoreportajdar ornalastyrylǵan. Beıneqyzmet onlaın-taratylymdar men beınekonferentsııalar júrgizýge, sondaı-aq zamanaýı tehnologııalar men kommýnıkatsııalardyń ádisterin neǵurlym keńirek qoldanýǵa múmkindik beredi.
Korganyz.kz áskerı paradtardy, jaýyngerlik oqý-jattyǵýlardy jáne ózge de resmı is-sharalardy on-line rejıminde taratýdy uıymdastyrý úshin qoldanylady. Ony paıdalanýshylar áskerı-patrıottyq taqyryptaǵy beıne-fotomuraǵattarǵa ońaı qol jetkize alady. Sondaı-aq, qazaqstandyqtardyń kózaıymyna aınalǵan «Aıryqsha tapsyrma» realıtı-shoýyn, Qorǵanys mınıstrliginiń bastamasymen jasalǵan ózge de arnaıy jobalardy taratý josparlanyp otyr.
Korganyz.kz - bul Qazaqstan áskeriniń jetistikteri men áskerı adamdardyń taǵdyryna beı-jaı qaraı almaıtyn adamdarǵa arnalǵan beıne-portal.
Áskerı ınteret-televıdenıeni iske qosý Qazaqstan Respýblıkasynyń Tuńǵysh Prezıdenti - Qarýly Kúshterdiń Joǵarǵy Bas qolbasshysy Nursultan Nazarbaevtyń kúnine oraılastyrylyp otyr. Bul merekeniń negizgi ıdeıasy - qoǵamdy Qazaqstannyń turaqty jáne qarqyndy damýynyń irgetasyna aınalǵan Memleket basshysy júrgizip otyrǵan saıasattyń mańyna toptastyrý, dep habarlady Qorǵanys mınıstrliginiń baspasóz qyzmetinen.