Qorǵanys mınıstrligi qazaqstandyq áskerı qyzmetshilerdiń eń tómengi jalaqysy qansha ekenin aıtty
«Búgingi tańda ofıtserlerdi marapattaý eselep artty. Áskerı qyzmetshilerdiń aqshalaı qarajattary 25%-ke kóbeıdi. Qazir bizdiń ofıtserler alatyn eń tómengi jalaqy 170 myń teńge, al kelisimshart boıynsha qyzmet ótkeretinder 100 myń teńge alady. Buryn jalaqy aıtarlyqtaı az bolatyn», - dep málimdedi ádilet polkovnıgi Qaırat Kópbaev.
Departament basshysy jalaqysy kóbeıgennen keıin qazaqstandyq áskerı qyzmetshilerdiń qyzmetti ótkerýge degen yntasy arta túskenin tilge tıek etip, armııaǵa barǵysy keletinderdiń sany jyl saıyn 30 - 35%-ke artyp kele jatqanyn aıtty. «Qazir armııada qyzmet etý - abyroıly is. Sondyqtan da kandıdattardy irikteý talaptaryn qatańdatamyz. Kandıdattardyń psıhofızıologııalyq kúıine erekshe mán beriledi», - dedi Qaırat Kópbaev.