Qorǵanys mınıstrligi «KADEX-2016» kórmesiniń ekinshi kúnin qorytyndylady (FOTO)

ASTANA. QazAqparat - «KADEX-2016» kórmesiniń ekinshi kúniniń qorytyndysy óz jetistikterin kórsetti. Eger kórmeniń alǵashqy kúninde shet eldermen 6 kelisimshart jasalsa, onda kelesi kúni otandyq kásiporyndar qajyrly iskerlik baǵdarlamany jalǵastyrdy, dep habarlaıdy QR Qorǵanys mınıstrliginiń baspasóz qyzmetinen.

 «KADEX-2016» iskerlik alańynda qazaqstandyq «Qaztehnologııalar» kompanııasy QR Qorǵanys mınıstrliginiń qoldaýymen QHR-men 2 kelisimshart jasasty. QR Qorǵanys mınıstriniń orynbasary Nurlan Saýranbaevtyń qatysýymen iri kalıbrli oq-dárilerdi óndirý boıynsha «Norinco Corp» kompanııasymen tehnologııalar men jabdyqty berý jóninde memorandýmǵa qol qoıyldy. Mańyzdy talqy QR Qarýly Kúshteriniń áskerı qyzmetshileri úshin turǵyn úı qoryn quratyn birlesken kásiporyn qurý týraly memorandým boldy.

Sondaı-aq «Qaztehnologııalar» «Grad-1» DAZJ-ǵa reaktıvti snarıadtardy jańǵyrtý jáne synamadan ótkizý boıynsha reseılik «Splav» MÓB kompanııasymen memorandýmǵa qol qoıdy. Odan basqa, taǵy da bir bolgarııalyq kompanııamen memorandýmǵa qol qoıyldy. QR Qorǵanys mınıstriniń orynbasary Talǵat Muhtarovtyń qatysýymen QR Qarýly Kúshteriniń ÁTK úshin zymyran-artıllerııalyq korabldi jetkizý jóninde «Abeking&Rasmussen» nemis kompanııasymen nıet týraly memorandýmǵa qol qoıyldy.

«Qazaqstan ınjınırıng» UK» AQ kompanııalar toby búgingi kúni 12 qujatqa qol qoıdy. Olardyń biri mynalar bolyp tabylady. «KAE» kompanııasy ushqyshsyz ushý apparattaryna olardy ári qaraı kiriktirý úshin ınfraqyzyl lınzalar men jylý vızııalyq prıborlardy jetkizý jónindegi memorandýmǵa qol qoıdy. «Semeı ınjınırıng» zaýyty Mıanmaǵa konversııalyq tehnıkany eksporttaýǵa nıetti. Qazaqstandyq zaýyttyń basshylyǵy «MCM Pte Ltd» kompanııasynyń ókilderimen kelisimshartqa qol qoıdy. Tehnıkanyń jetkizilý merzimi 18 aıdyń ishinde josparlanýda. Reseılik «Qorǵanys júıeleri» kompanııasy «Qazaqstan ınjınırıng» UK» AQ-qa radıoelektrondyq kúres jáne radıotehnıkalyq barlaý quraldaryn jetkizip berýge daıyn. Osyǵan baılanysty, ekijaqty tártiptegi kelisimge qol qoıyldy. «Eýrokopter Qazaqstan ınjınırıng» Shyǵys Qazaqstan oblysynyń ákimdigine ES-125 7 tikushaǵyn, «QazMedEır» JShS-ǵa ES-130 18 tiushaǵyn jetkizip berý boıynsha nıet týraly memorandýmdarǵa qol qoıdy.

Sonymen qatar «Eýrokopter Qazaqstan Injınırıng» pen «Kazavıaspas» AQ qoldanystaǵy ES-145 borttaryna tehnıkalyq qyzmet kórsetý, sondaı-aq tikushaqtardyń aralas flotyn qosymsha satyp alý nıeti týraly memorandým jasasty. «Gıdroprıbor» ǴZI» AQ jáne ıspandyq «SAES» kompanııasy teńiz mınalarynyń birlesken óndirisin ıgerýdi josparlaýda. Nıet týraly tıisti memorandýmǵa «Gıdroprıbor» ǴZI» AQ bas dırektory Aleksandr Gnelomedov pen «SAES» bas dırektory Antonıo Kordero qol qoıdy.