Qorǵanys mınıstrligi ǵımaratynyń ústinen kvadrokopterdiń ushyrylý sebebi anyqtalýda

NUR-SULTAN. QazAqparat - Qorǵanys mınıstrligi ǵımaratynyń ústinde zańsyz ushqan kvadrokopter faktisi boıynsha tergeý amaldary júrip jatyr. Bul týraly QR Qorǵanys mınıstriniń orynbasary Talǵat Muhtarov aıtty, dep habarlaıdy QazAqparat tilshisi.

«Rejımdik nysandar, ıaǵnı mınıstrlik, áskerı bilimder aýmaǵynda osyndaı ruqsat etilmegen is-qımyldarǵa tyıym salynǵan. Sáıkesinshe, olarǵa tosqaýyl qoıylady jáne ondaı apparattardyń ushýyna jol berilmeıdi. Al osyndaı qadamǵa barǵandarǵa qatysty qazirgi kezde tıisti organdar tekserý amaldaryn júrgizip jatyr», - dedi T. Muhtarov Parlament Májilisinde tilshilerdiń saýalyna jaýap bere otyryp.

Budan buryn habarlanǵandaı, Áskerı polıtsııa Qorǵanys mınıstrligi ǵımaratynyń ústinde zańsyz ushyp júrgen kvadrokopterdi anyqtady.

Jedel áreket toby osyǵan qatysty eki azamatty ustap, qalalyq Polıtsııa departamentine tapsyrǵan.