Qorǵanys mınıstrligi dúrlikpeýdi eskertti: el aýmaǵynda jaýyngerlik tehnıka tasymaldanady

ASTANA. QazAqparat – Áskerlerdi daıarlaý jospary sheńberinde Qarýly kúshterde jaýyngerlik daıarlyq sabaqtary ótkiziledi, dep habarlaıdy QazAqparat Qorǵanys mınıstrligine silteme jasap.

«Bólimsheler praktıkalyq oqý-jaýyngerlik mindetterdi oryndaý úshin jaýyngerlik tehnıkamen marsh jasap, temirjol kóligimen elimizdiń ár óńirindegi polıgondarǵa jetkiziledi.

Polıgondarda taktıkalyq jattyǵýlar men atystar, kúndiz de, túnde de ótkiziledi. Bul rette áskerı qyzmetshilerdiń maqsatqa saı tapsyrmalardy belgilengen merzimde oryndaýy, bólimderdiń úılesimdiligi men qabileti, sondaı-aq komandırlerdiń baǵynysty jáne senip tapsyrylǵan bólimshelerdi basqara bilýi baǵalanady.

Osyǵan baılanysty, azamattardan taratylǵan qaýesetterge mán bermeı, tek resmı aqparat kózderine senýdi suraımyz», - delingen resmı habarlamada.