Qorǵanys mınıstrligi departamentiniń basshysy para aldy degen kúdikke ilindi
10:06, 23 Qańtar 2023
ASTANA. QazAqparat - Sybaılas jemqorlyqqa qarsy qyzmet Qazaqstan Respýblıkasy Qorǵanys mınıstrliginiń qurylymdyq bólimshesiniń basshysyna qatysty sotqa deıingi tergep-tekserýdi bastady, dep habarlaıdy QazAqparat.
Qorǵanys vedomstvosynyń aqparattandyrý departamenti bastyǵynyń mindetin ýaqytsha atqarýshy beınekonferentsbaılanys jabdyǵyn jetkizý merzimderin buza otyryp, qabyldaý-tapsyrý aktisine kedergisiz qol qoıǵany úshin jetkizýshiden 20 000 AQSh dollary somasynda para aldy degen kúdikke ilindi.
Kúdikti ustalyp, Astana qalasynyń tergeý sotynyń sanktsııasymen qamaýǵa alyndy.
Tergeý jalǵasýda.
Tergeý múddesine saı ózge aqparat jarııalanbaıdy.