Qorǵanys mınıstrligi áskerı medıtsınany kúsheıtý sharalaryn qabyldaýda
– Áskerı medıtsına qyzmeti jaýyngerlik qabiletti qalpyna keltirý maqsatynda jeke quramdy áskerı-medıtsınalyq qamtamasyz etýge baǵyttalǵan. Odan bólek, Qarýly Kúshterdiń áskerı medıtsınasy eldegi koronavırýs ınfektsııasymen kúreske belsene atsalysyp, bitimgershilik mıssııaǵa daıyndyqqa da tartylǵan, – dep atap ótti Parlament Májilisiniń Halyqaralyq ister, qorǵanys jáne qaýipsizdik komıtetiniń otyrysynda sóılegen sózinde Qorǵanys mınıstriniń orynbasary general-maıor Muhamedjan Talasov.
Sonymen qatar, qazirgi kezde birqatar kemshilikter de bar. Atap aıtqanda, tek Nur-Sultandaǵy, Almaty jáne Taldyqorǵandaǵy úsh gospıtal jáne 15 medpýnkt emdeý mekemelerine arnalǵan arnaıy ǵımarattarda ornalasqan. Qorǵanys mınıstrligi Aqtaý qalasyndaǵy Áskerı-teńiz gospıtali men Nur-Sultan qalasyndaǵy gospıtal-emhana keshenin salý, sondaı-aq modýldik qurylymdaǵy medıtsınalyq pýnktter úshin ǵımarattar satyp alý jáne salý máselesin pysyqtaýda.
Qarýly Kúshterdiń áskerı medıtsına quramyna 20 áskerı-medıtsınalyq mekeme men 130-dan astam medıtsınalyq bólimsheler kiredi.
Jyl saıyn sanatorlyq-kýrorttyq emdelýge 1 000-nan astam áskerı qyzmetshi men áskerı zeınetkerler jiberiledi. Qorǵanys vedomstvosy «Áskerı qyzmet pen áskerı qyzmetshilerdiń mártebesi týraly» QR Zańyna áskerı qyzmetshilerdiń áleýmettik qorǵalýyn jaqsartýǵa baǵyttalǵan medıtsınalyq kórsetkishter boıynsha sanatorlyq-kýrorttyq emdeýge qatysty túzetýlerdi usyndy.
Ózge de usynystar vedomstvolyq tıesiligine qaramastan, kúshtik vedomstvolardyń áskerı-medıtsınalyq bólimshelerinde medıtsınalyq qyzmetter alýdy, sondaı-aq áskerı qyzmet ornynda áskerı-medıtsınalyq mekemelerdiń bolýyna qaramastan, azamattyq densaýlyq saqtaý uıymdarynda áskerı qyzmetshilerge medıtsınalyq kómek kórsetýdi kózdeıdi.
Qorǵanys mınıstrligi kadrlardy daıarlaý jáne dárigerlerdiń biliktiligin arttyrý maqsatynda medıtsınalyq mamandyqtardy oqytý úshin Áýe qorǵanysy kúshteriniń áskerı ınstıtýtyna kýrsanttardy qabyldaýdy qaıta bastady. Qazirgi ýaqytta joǵary oqý oryndarynda birinshi kýrstyń 12 kýrsanty, altynshy kýrstyń 23 ınterni jáne jetinshi kýrstyń 15 ınterni bilim alady. Zańnamaǵa jyl saıyn 25 kýrsant qabyldaý, rezıdentýra baǵdarlamasy boıynsha áskerı dárigerlerdi daıarlaý jóninde ózgerister engizý de josparlanyp otyr.