Qorǵanys mınıstrligi 2030 jylǵa deıin otandyq óndirýshiden 274 «Arlan» men 106 «Barys» kóligin satyp alady
«Memorandýmǵa 2017 jyly qol qoıyldy. Qazaqstannyń zańnamasyna sáıkes memorandým azamattyq-quqyqtyq shart emes jáne oǵan qol qoıǵan taraptar úshin zańdy, qarjylyq jáne ózge de mindettemeler men saldarlarǵa ákep soqpaıdy. Bul Memorandýmnyń mátininde de kórsetilgen.
Zaýyttyń 2015 jyly salynǵanyn, «Arlandardy» alǵashqy jetkizý 2016 jyly júzege asyrylǵanyn, al Memorandýmǵa 2017 jyldyń shildesinde qol qoıylǵanyn atap ótý kerek. Bul qujat 2030 jylǵa deıin 274 birlik «Arlan» jáne 106 birlik «Barys» berendi dóńgelekti mashınalaryn satyp alýdy kózdeıdi. Qorǵanys mınıstrligi Memorandýmda kórsetilgen merzimge sáıkes berendi mashınalardy satyp alýdy júzege asyrady», - delingen mınıstrliktiń resmı málimetinde.
Vedomstvo mamandary jaýyngerlik tehnıkalar áskerı synaqtar ótkennen keıin ǵana satyp alynýy kerektigin eske salady.
«Barys» berendi mashınasyna keletin bolsaq, qazirgi tańda ol tájirıbeli áskerı paıdalanýdan ótken joq. Zaýyt kemshilikterdi joıýmen aınalysyp jatyr.
Búgingi tańda Qarýly kúshterde 138 «Arlan» kópmaqsatty berendi mashınasy (110 birlik jaýyngerlik modýlmen jáne 28 birlik jaýyngerlik modýlsiz) baryn aıta ketý kerek.
2022-2023 jyldarǵa 2023 jyly jetkizilimmen taǵy da 20 «Arlan» kópmaqsatty berendi mashınasyn (jaýyngerlik modýlmen 18 birlik jáne jaýyngerlik modýlsiz 2 birlik) satyp alý josparlanyp otyr. 2023 jyldyń sońyna deıin Qarýly kúshterde jalpy sany 158 birlik «Arlan» KBM (128 birlik jaýyngerlik modýlmen jáne 30 – jaýyngerlik modýlsiz) bolady.
Sonymen qatar 2022 jyly qorǵanys tapsyrysyn oryndaý kezinde «KPI» bekitilgen rásimge sáıkes qyzmetke qabyldanbaǵan «WSE» jańa úlgisindegi 10 dana «Arlan» KBM-ǵa jaýyngerlik modýlin ornatty.
Osylaısha «KPI» memlekettik qorǵanys tapsyrysynyń oryndalýyn buzyp otyr. Óıtkeni Qarýly kúshterdiń kórsetilgen 10 KBM qabyldaý aktisine qol qoıylmaǵan», - dep jazylǵan mınıstrlik málimetinde.
Vedomstvo dereginshe, 11 qyrkúıekten bastap atalǵan jaýyngerlik modýldi ártúrli klımattyq jaǵdaılarda 2023 jyldyń sońyna deıin tájirıbelik áskerı paıdalaný josparlanyp otyr.
«Sol sebepti 2023 jyly «WSE» jaýyngerlik modýlderin ornatý kózdelgen 18 «Arlan» KBM-yn jetkizý shartynyń buzylý qaýpi týyndap otyr.
2024-2025 jyldarǵa «Arlan» KBM-niń 15 birligin (jaýyngerlik modýlsiz) 2025 jylǵy jetkizilimmen satyp alý josparlanǵan. «KPI» barlyq talaptardy oryndaǵan jaǵdaıda, 2025 jyldyń sońyna deıin Qarýly kúshterde «Arlan» KBM-nyń 173 birligi bolmaq.
Memorandýmnyń zańdy kúshi bolmaǵanyna qaramastan, Qorǵanys mınıstrligi 8 jyl ishinde kelisilgen sannan 60%-dan artyq «Arlan» satyp alǵanyn aıta ketý kerek.
Ne otandyq, ne sheteldik birde-bir kásiporynnan sonsha tehnıka satyp alynǵan joq», - delingen resmı aqparatta.