Qorǵanys mınıstri Taldyqorǵan jáne Almaty garnızondaryna bardy
Jumys sapary barysynda vedomstvo basshysy Taldyqorǵan jáne Almaty garnızondarynyń áskerı bólimderi men mekemeleriniń jumysyn tekserdi. Desanttyq-shabýyl brıgadasy men arnaıy maqsattaǵy bólimge baryp, materıaldyq-tehnıkalyq bazanyń jaǵdaıyn tekserdi jáne jaýyngerlik tehnıkany synaýǵa qatysty.
Taldyqorǵandaǵy áýe bazasynda mınıstrge Sý-30SM jańa kópfýnktsıonalyq joıǵysh ushaqtary men «Arlan» kóp maqsatty brondalǵan mashınasynyń taktıkalyq-tehnıkalyq múmkindikteri kórsetildi.
Mamandandyrylǵan bólimderdiń biriniń komandıri jedel jáne jaýyngerlik daıarlyq sharalaryn qamtamasyz etý jónindegi jumystardy baıandady.
Tekserý qorytyndysy boıynsha Nurlan Ermekbaev garnızon áskerı qyzmetshileriniń jaýyngerlik jáne dene shynyqtyrý daıyndyǵyna joǵary baǵa berdi.