Qorǵanys mınıstri áskerı ushqysh áıeldi qabyldady

NUR-SULTAN. QazAqparat - Qazaqstannyń Qorǵanys mınıstri Nurlan Ermekbaev maıdan avıatsııasynyń ushqyshy aǵa leıtenant Ardana Botaıdy qabyldady, dep habarlaıdy QazAqparat vedomstvonyń baspasóz qyzmetine silteme jasap.

Qorǵanys vedomstvosynyń basshysy Qazaqstanda áskerı-ushqysh mamandyǵyna áıelder daıarlaý múmkindikteri men keleshegi týraly baıandamany tyńdady.

«Názik jandylar árqashan erlerdiń isi sanalatyn áskerı mamandyqty, onyń ishinde áskerı avıatsııany da qarqyndy meńgerýde», – dedi Ardana Botaı.

Aǵa leıtenant Ardana Botaı Qaraǵandy avıatsııa bazasynda aǵa joıǵysh-ushqyshy qyzmetin atqarady. Áýede shamamen 500 saǵatqa jýyq ushý tájirıbesi bar.

Bala kúninen áskerı ushqysh bolýdy armandaǵan. Almaty qalasyndaǵy azamattyq avıatsııa akademııasynyń «áýe kemeleri men qozǵaltqyshtardy ushýǵa paıdalaný» mamandyǵy boıynsha oqýdy bitirgennen beri ol Qarýly kúshterdiń sapynda.

Alǵash ret 2018 jyly sáýir aıynda L-39 jaýyngerlik ushaǵymen áýeni sharlaǵan. TL-2000, Tecnam P-2002 asa jeńil ushaqtaryn, Diamond DA42 eki motorly ushaǵyn meńgergen. Qazirgi ýaqytta áskerı qyzmetshi Sý-30SM jańa býyndy joıǵysh ushaǵyn basqarady. Ol áskerı ushqysh joldasy sııaqty komandırlik mansapty armandaıdy.

Qorǵanys mınıstri áıel áskerı qyzmetshilerdiń túrli mamandyqtar boıynsha daıarlyǵy men olardyń Qarýly kúshterdiń damýyna qosqan úlesiniń mańyzyn atap ótti.