Qorǵanys mınıstri Arys qalasyna attandy

NUR-SULTAN. QazAqparat - QR Qorǵanys mınıstri Nurlan Ermekbaev áskerı bólimshedegi oq-dári qoımasy jarylǵan Arys qalasyna attanyp ketti, dep habarlaıdy Qazaqparat tilshisi.

«QR Qorǵanys mınıstri general-maıor Nurlan Ermekbaev oryn alǵan jaıttyń mán-jaıyn ózi anyqtap, sharalar qabyldaý úshin oqıǵa ornyna attanyp ketti», - delingen Qorǵanys mınıstrliginiń baspasóz qyzmeti taratqan aqparatta.

Búgin Túrkistan oblysynyń Arys qalasyndaǵy áskerı bólimniń qoımasynda saǵat 9.20-da jarylys boldy.

QR Qorǵanys mınıstrliginiń dereginshe, jarylystan zardap shekkender joq.

QR Prezıdenti Qasym-Jomart Toqaev tıisti organdarǵa Arystaǵy áskerı bólimindegi oq-dári qoımasynda bolǵan jarylystyń zardaptaryn joıý týraly tapsyrma berdi.