Qorǵanys mınıstri Almatydaǵy Qurlyq áskerleriniń áskerı ınstıtýtynda boldy

ALMATY. QazAqparat - Qorǵanys mınıstri Almaty garnızonyna jumys sapary barysynda Qurlyq áskerleriniń Áskerı ınstıtýtyna baryp qaıtty, dep habarlaıdy QazAqparat.

General-leıtenant Nurlan Ermekbaev oqý ornynyń basshylyǵymen keńes ótkizdi, onda oqý-tárbıe úderisin uıymdastyrý jáne materıaldyq-tehnıkalyq qamtamasyz etý máseleleri talqylandy.

Qorǵanys vedomstvosynyń basshysy jaýyngerlik qamtamasyz etý kafedrasymen tanysty.

Onyń zamanaýı oqý-materıaldyq bazasy, jabdyqtary men tehnıkalyq quraldary bolashaq ofıtserlerdi daıarlaýdyń qajetti deńgeıin qamtamasyz etýge múmkindik beredi.

Qorǵanys mınıstri áskerı ınstıtýt basshylyǵyna ınjenerlik daıarlyq, sondaı-aq radıatsııalyq, hımııalyq jáne bıologııalyq qorǵaý obektilerin erekshe nazarǵa alýdy aıtty.

General-leıtenant Nurlan Ermekbaev pandemııa kezinde jáne tótenshe jaǵdaılardyń saldaryn joıý barysynda bulardyń Qarýly Kúshter qyzmetiniń «qos maqsatty» quramdas bóligi retinde qajettiligin kórsetkenin jáne osy baǵyttardyń mańyzdylyǵyn atap ótti.

Qorǵanys mınıstri 2020 jyldan bastap áskerı ınstıtýtqa esimi berilgen armııa generaly Saǵadat Nurmaǵambetov pen 1973 jyldan 1997 jylǵa deıin oqý orny atalyp kelgen Keńes Odaǵynyń marshaly Ivan Konevke arnalǵan tarıhı eskertkishti ashty.

Budan ózge, Qorǵanys mınıstri Almaty garnızonynda áskerı qyzmetshilerdiń otbasylarymen jumys jónindegi qyzmet ókilderimen kezdesip, olardyń kómek kórsetýdegi jáne áleýmettik máselelerdi sheshýdegi jumystarymen tanysty.