Qorǵanys mınıstri Aqmola garnızonynyń jumysyn tekserdi
17:37, 18 Mamyr 2019
NUR-SULTAN. QazAqparat - QR Qorǵanys mınıstri, general-maıor Nurlan Ermekbaev elordada ornalasqan mekemelerdi aralady. Olardy ári qaraı damytý jónindegi negizgi basymdyqtardy belgilep berdi, dep habarlaıdy QazAqparat mınıstrliktiń baspasóz qyzmetine silteme jasap.
Qorǵanys vedomstvosynyń basshysy Áýe qorǵanys kúshteri, Memlekettik satyp alý bas basqarmasyn, Áskerlerdi páterlerge ornalastyrý bas basqarmasyn, Armııa ortalyq sport klýby men Dene daıyndyǵy bas basqarmasyn tekserdi. Qorǵanys mınıstri jumys nátıjeleri jáne olardyń basshylyq qoıǵan tapsyrmalardy oryndaýǵa ázirligi týraly mekeme bastyqtarynyń baıandamalaryn tyńdady.
Jumys qorytyndysy boıynsha bólimshelerdiń kúndelikti qyzmetin jetildirý jáne ońtaılandyrý boıynsha nusqaýlar berildi. Mekeme basshylarynyń qarjy-sharýashylyq tártipti odan ári nyǵaıtýyna nazar aýdaryldy.