Qorǵanys mınıstri 240 áskerı qyzmetshige páter kiltin tapsyrdy
Jumys sapary barysynda QR Qorǵanys mınıstri áskerı qyzmetshilerge jańa turǵyn úılerden 240 páterdiń kiltterin tabystady. «Garnızondarda turǵyn úı keshenderin paıdalanýǵa berý Elbasy - Qarýly Kúshterdiń Joǵarǵy Bas Qolbasshysy Nursultan Nazarbaevtyń áskerı qyzmetshilerdiń áleýmettik turǵyda qorǵalýy deńgeıin arttyrýǵa, olardyń Qazaqstannyń Qarýly Kúshterinde qyzmet etýge yntalandyrýy kóńil bólýiniń jarqyn úlgisi», - dep atap ótti QR Qorǵanys mınıstri saltanatty sharada.
Áskerı qalashyqtardy damytý jáne áskerı qyzmetshilerdi qyzmettik baspanamen qamtamasyz etý Qorǵanys mınıstrligi qyzmetiniń basymdyq baǵyttarynyń biri bolyp tabylady. Jyl saıyn QR Qarýly Kúshterinde qurylys jáne kúrdeli jóndeý júrgizý arqyly oń myńdaǵan sharshy metr baspana paıdalanýǵa beriledi. Mereıtolyq 2016 jyly Aqtaý, Aıagóz, Saryózek jáne Gvardeısk garnızondarynda 474 páter men jataqhanadaǵy 100 bólmeniń qurylysy aıaqtaldy.
Sondaı-aq, jumys sapary barysynda qorǵanys vedomstvosynyń basshysy QR QK Áskerı-áýe kúshteriniń jaraqtandyrylýyna kelip túsken Mı-35M jańa kóp maqsatty soqqy tikushaqtaryn qarap shyqty. Jaýyngerlik tikushaqtardyń atalmysh úlgisi basqarylatyn jáne basqarylmaıtyn qarý-jaraqtyń kómegimen jerústi nysanalar boıynsha atys tapsyrmalaryn oryndaý qabilettiligine ıe ekenin aıta ketken jón.
Odan basqa, Almaty qalasynda QR Qorǵanys mınıstri Qarýly Kúshterdiń ardagerlerimen qaýyshyp, jastarǵa áskerı-patrıottyq tárbıe berýdiń birqatar ózekti máselelerin talqylady jáne qazaqstandyq armııanyń qalyptasýy men damýyna qosqan úlesteri úshin árqaısysyna alǵys bildirdi.