Qorǵanys mınıstrliginiń Úkimet músheleri men depýtattarǵa arnalǵan kýrsy aıaqtaldy

<p><strong>Memleket basshysy &ndash; Qazaqstan Respýblıkasy Qarýly kúshteri Joǵarǵy Bas qolbasshysynyń tapsyrmasyna sáıkes, Qorǵanys mınıstrliginde áskerı qaýipsizdik pen qorǵanystyń ózekti máselelerine arnalǵan sabaqtar ótti. Oǵan mınıstrlik basshylary men Parlament palatalary beıindi komıtetteriniń depýtattary qatysty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></strong></p>

Sabaqta ulttyq qaýipsizdik, qorǵanysty josparlaý jáne ekonomıkalyq qamtamasyz etý negizderi, jumyldyrý, el aýmaǵyn jedel jabdyqtaý, aqparattyq qaýipsizdik, aýmaqtyq jáne azamattyq qorǵanys máseleleri qaraldy.

– Halyqaralyq qatynastar modelin jáne qazirgi zamanǵy qarýly qaqtyǵystardyń jaı-kúıin eskere otyryp, memlekettiń qaýip-qaterdiń ósýi jaǵdaıynda jáne soǵys ýaqytynda jumys isteýge daıyndyǵyn qamtamasyz etý erekshe mańyzǵa ıe. Árbir basshy ulttyq qaýipsizdik júıesindegi óz vedomstvosynyń róli men ornyn nyq bilýi tıis, – dedi Qorǵanys mınıstri general-polkovnık Rýslan Jaqsylyqov.

Kýrs daǵdarys jaǵdaılarynda, qaýip-qaterdiń ósýi kezinde, soǵys jaǵdaıyn engizýde jáne jumyldyrýdy jarııalaýda memlekettik organdardyń maqsattary men mindetterin aıqyndap berdi.

Foto: Qazaqstan Respýblıkasy Qorǵanys mınıstrligi

Oqý kýrstary mınıstrler men depýtattarǵa sabaqta qarastyrylǵan taqyryptardyń mańyzdy aspektilerin talqylaýǵa múmkindik beretin iskerlik, syndarly jaǵdaıda ótti. Áskerı qaýipsizdik jáne qorǵanys máseleleri boıynsha bilimdi arttyrý praktıkasy jalǵastyrylatyn bolady. Kelesi jyly oblys ákimderi osyndaı daıyndyqtan ótpek.

Kýrs sońynda Qorǵanys mınıstri mınıstrler men depýtattarǵa tıisti sertıfıkattardy tabys etti.