Qorǵanys mınıstrliginiń Ortalyq arhıvine úsh myńǵa jýyq muraǵat isi saqtaýǵa berildi

<p>ASTANA. KAZINFORM &ndash; &nbsp;Ortalyq arhıv mekemesi Qarýly kúshterdiń qyzmetine qatysty muraǵattyq qujattardy izdeý jáne saqtaýǵa qabyldaý boıynsha úlken jumys júrgizip jatyr. Bul týraly vedomstvonyń baspasóz qyzmeti málim etti.</p>

Memlekettik jáne vedomstvolyq mekemelermen baılanystardy keńeıtýdiń arqasynda Qorǵanys mınıstrliginiń Ortalyq arhıvine Mańǵystaý oblysynyń memlekettik arhıvinen 1952-1996 jyldar kezeńindegi 2866 is kelip tústi. Astanaǵa 21 áskerı bólim men mekemege qatysty qujattar Áýe qorǵanysy kúshteriniń avıatsııalyq kóligimen jetkizildi.

Foto: QR Qorǵanys mınıstrligi

«Bul materıaldardyń tarıhı, ǵylymı jáne áleýmettik mańyzy bar. Arhıv mamandary ótinishter sanynyń artqanyn atap ótti. Olar tek qazaqstandyqtardan ǵana emes, sondaı-aq zeınetaqyny resimdeý úshin KSRO kezeńinde Qazaqstan aýmaǵynda ornalasqan áskerı bólimderde qyzmet ótkergenin nemese eńbek qyzmetin rastaýy qajet jaqyn jáne alys shetelderdiń azamattarynan kelip túsedi», — delingen habarlmada.

Foto: QR Qorǵanys mınıstrligi

Máseleniń ózektiligin eskere otyryp, qorǵanys vedomstvosynyń Ortalyq muraǵaty Qarýly kúshterge baılanysty qujattardyń ornalasqan jerin belgileý jáne olardy muraǵattyq saqtaýǵa qabyldaý jónindegi qyzmetti jalǵastyryp jatyr. 

Eske sala keteıik, buǵan deıin Qarýly kúshterde úzdik serjant anyqtalǵanyn jazǵan bolatynbyz.