- Biz bul suraqtarǵa birneshe ret jaýap berdik. Batys Qazaqstan oblysynyń aýmaǵynda tabylǵan ushqyshsyz ushatyn apparattardyń kópshiligi, ıaǵnı 90 paıyzdan astamy Reseıdiń 926-shy ushyrý ári synaqtan ótkizý ortalyǵynyń polıgony shekarasynda ornalasqan, - dedi S. Qamaletdınov Senattyń jalpy otyrysynan keıin tilshiler suraǵyna jaýap bere otyryp.
Onyń aıtýynsha, polıgon ústindegi áýe keńistigin synaq ortalyǵy paıdalanady. Bul turǵyda Reseı Federatsııasy ózderiniń ushatyn apparattaryn sol jerde synaqtan ótkizgen.
Eske salsaq, bıyl naýryz aıynda Qorǵanys mınıstriniń orynbasary Shaıh-Hasan Jazyqbaev Batys Qazaqstan oblysy aýmaǵynda ushqyshsyz ushatyn apparattyń ne sebepti qulaǵanyn anyqtaıtyn tergeý qorytyndysy boıynsha sheshim qabyldanatynyn aıtty.
Budan buryn habarlanǵandaı, bıyl aqpanda BQO aýmaǵyna ushqyshsyz ushatyn apparatqa uqsas zat qulady.